Гульня
“Ювелірныя вырабы”
• Адгадайце,
які гэта ювелірны выраб.
Гэта назоўнік. Ён мае наступныя марфалагічныя прыметы
(раздзел “Марфалогія” вывучае словы як часціны мовы):
а) неадушаўлёны;
б) агульны;
в) канкрэтны;
г) 2-га скланення;
д) мужчынскага роду.
Фанетычныя прыметы (раздзел “Фанетыка” вывучае гукі мовы
і іх спалучэнні):
а) падзяляецца на 3 склады;
б) мае 9 літар і 9 гукаў;
в) літара я
ў ім абазначае галосны гук [а], а літара ё
– галосны гук [о];
г) пачынаецца з 17-й літары алфавіта.
Акцэнталагічная прымета (націск у слове):
а) націск падае на другі склад.
З гэтым назоўнікам могуць рыфмавацца словы рамонак, падонак.
• Адгадайце,
які гэта ювелірны выраб.
Гэта назоўнік. Ён мае наступныя марфалагічныя прыметы:
а) неадушаўлёны;
б) агульны;
в) канкрэтны;
г) 1-га скланення;
д) жаночага роду.
Фанетычныя прыметы:
а) падзяляецца на 4 склады;
б) мае 9 літар і 9 гукаў;
в) пачынаецца з 9-й літары алфавіта.
Акцэнталагічная прымета (націск у слове):
а) націск падае на трэці склад.
З гэтым назоўнікам могуць рыфмавацца словы крыніца, чарніца.
А д к а з.
Патрэбныя назоўнікі (назвы ювелірных вырабаў) можна
знайсці сярод наступных “зашыфраваных” слоў: чарніцазагаловакзавушніцапрацапярсцёнакрамонак.
• Вы
знайшлі патрэбныя назоўнікі – назвы ювелірных вырабаў? Падбярыце да іх тыя
(новыя) словы, з якімі яны рыфмуюцца.
• Выкарыстаўшы
ўзор, растлумачце лексічнае значэнне (раздзел “Лексіка” вывучае словы, іх
значэнне) вызначаных назоўнікаў (назваў ювелірных вырабаў).
У з о р.
Хата – памяшканне, прызначае для пражывання людзей.
• З літар
або гукаў вызначаных назоўнікаў (назваў ювелірных вырбаў) пабудуйце новыя
беларускія словы.
А д к а з.
Новае беларускае слова можна знайсці сярод наступных
“зашыфраваных” слоў: пясокпадзяказнакзоркакасьба.
Распрацаваў
Аляксей Якімовіч
