Цікавае ў жыцці. Ці можна
грошы вырасціць у агародзе?
Як
вы лічыце: ці можна ў агародзе вырасціць грошы, манеты?
Гэта
пытанне выклікае ў вас недаўменне?
Тады
правядзём невялікую віртуальную экскурсію.
У Ціхім акіяне знаходзяцца Саламонавыя астравы.
Якія грошы выкарыстоўваюць іх жыхары?
Звычайныя, як і на ўсім зямным шары: папяровыя асігнацыі
і чаканеныя манеты.
Але… Не будзем забягаць наперад. Паслухайце па парадку.
Жыхары Саламонавых астравоў вельмі любяць бульбу. Ды яе
там вельмі цяжка вырасціць: перашкаджаюць неспрыяльныя кліматычныя ўмовы.
Бульбу туды прывозяць з далёкіх заморскіх краін. Таму яна
дарагая і вельмі высока цэніцца.
Ці расплачваюцца жыхары бульбай як грашыма?
Так.
Прывяду канкрэтныя прыклады: выклікаўшы лекара, пацыенты даюць
яму адну вялікую бульбіну. А калі лекар
завітае ноччу, яму даюць (плацяць) пяць бульбін.
Заданні для дапытлівых.
1. Колькі літар у слове “бульба”? Назавіце іх.
2. А колькі гукаў? Назавіце іх.
3. Назавіце беларускія словы, якія пачынаюцца з літар,
што ўваходзяць у склад слова “бульба”. Для гэтага з дапамогай слоўніка ці без
яго перакладзіце рускія словы на нашу,
беларускую мову. Вось яны: басня,
торжество, лестница, аист, осуществить.
Адказы (выкарыстоўвайце толькі для кантролю; словы
напісаны наадварот).
1. Ьцсэш: б, у, л, ь, б, а.
2. Ьцяп: б, у, л′, б, а.
3. Акйаб, ьцсатсычару, ацівсел, лесуб, ьцівяццыжа.
Садзім бульбу ў агародзе,
Садзім бульбу ў полі.
Пахваліцца можам мы:
Бульбы ў нас даволі.
Аляксей Якімовіч.
Якіх часцін мовы найбольш у гэтым вершаваным тэксце: прыслоўяў
ці займеннікаў?
Адказ (выкарыстоўвайце толькі для кантролю; слова
напісана наадварот): ўакіннемйаз.
