Як прыходзіць каханне
Кахаць і быць разумнымі
не могуць нават багі (Публілій Сір).
Каханне – гэта імкненне
дабіцца сяброўства таго, хто прыцягвае сваёй прыгажосцю (Цыцэрон).
Каханне і кашаль не
схаваеш (Гарацый).
Выкажу свае думкі, спаслаўшыся на фізіёлагаў,
якія вывучаюць фізіялогію і псіхалогію чалавека.
Згодна з іх даследаваннямі, каханне мае
тры этапы:
1) палавое захапленне;
2) рамантычная закаханасць;
3) фарміраванне прывязаннасці.
Палавое захапленне ўзнікае тады, калі
чалавек процілеглага полу нечым прыцягвае вашу ўвагу. Магчыма, на вас
падзейнічае яго голас, магчыма, манера трымацца, магчыма, вас зачаруюць яго
знешнія дадзеныя, яго прыгажосць. Вас цягне да гэтага чалавека, вам хочацца
быць побач з ім. Вы такім чынам выбралі, выдзелілі яго сярод многіх
прадстаўнікоў грамадства.
Рамантычная закаханасць пачынаецца з
кантакту. Такі кантакт у самым пачатку можа быць аддалены. З прадстаўніком
іншага полу вы можаце абменьвацца думкамі па тэлефоне, пісаць яму інтымныя,
поўныя прызнання лісты. Потым прызначаеце спатканне, сутракаецеся. Вас радуе
поціск рукі, кожны дотык прыносіць вам радасць. Вам нават падабаецца дыханне
выбранага вамі партнёра. Вы адчуваеце сябе на сёмым небе ад шчасця. Ваша жыццё
дзеліцца на прамежкі: сустрэча – развітанне – чаканне. Вы віншуеце свайго
выбранніка са святам, вы суперажываеце разам з ім, стараецеся пазнаць яго
характар, думкі, настрой.
Фарміраванне прывязанасці прыходзіць
пасля рамантычная захаплення, чаму асабліва спрыяе шлюб, сям’я. Гэта і вашы
дзеці (важна, каб вы сталі аднадумцамі ў іх выхаванні, каб разам праводзілі як
мага болей часу), а таксама ваша ўвага,
ваш клопат, ваш дом, які вы пабудавалі для сваёй сям’і, для сваёй агульнай
радасці. Вы заўважаеце, што ў вашага партнёра ёсць пэўныя недахопы, але вы
даруеце яму, стараецеся іх выправіць. Вы не толькі адпачываеце разам, але і
разам праводзіце свой час за сталом, імкнецеся зрабіць гэты стол смачным і
багатым для ўсіх членаў сям’і. І боль, і радасць у гэты час становяцца для вас
і вашага партнёра процілеглага полу агульнымі.
Падобная прывязанасць можа фарміравацца
і па-за шлюбу. Гэта можа быць выклікана тым, што асоб процілеглага полу можа
звязваць агульная праца, асабліва тады, калі адна з іх займае падначаленае
становішча. На гэта могуць уплываць падарункі, іншая матэрыяльная
зацікаўленасць.
Верш на тэму кахання.
Аляксей Якімовіч
Каля
нашай рэчанькі…
Каля нашай рэчанькі
Вярба маладая.
Прыйдзі сюды, Насцечка.
Я ж цябе чакаю!
Мілая галубка,
Прыйдзі, усміхніся.
На лавачку сеўшы,
Зірні, прытуліся.
У
кустах салоўка
Шчоўкае, спявае.
Ён цябе таксама
Даўненька
чакае.
Яго песню будзем
Слухаць да світання.
Я стаю, гадаю,
Ці збудзецца жаданне.
Цяжка без каханай:
Сумна, адзінока.
Радасць, як жар-птушка,
Уцякла далёка.
Бачу: уздоўж рэчкі
Ідзе
мая Насця.
Не пакінула мяне
Сённяшняе шчасце.
Хіліцца над
рэчкай
Вярба маладая.
Побач з ёй салоўка
Цёхкае, спявае.
2021
Верш надрукаваны ў зборніку “Белакрылая
птушка”.
Зборнік выйшаў у выдавецтве
“Беларусь”
Якімовіч, А. М. Белакрылая птушка : аповесці,
вершы / Аляксей Якімовіч. – Мінск : Беларусь, 2021. – 199 с.
Для
даведкі.
Публілій Сір (1 ст. да н. э.) – рымскі
паэт, аўтар мімаў (драматычных сцэнкаў бытавога зместу).
Цыцэрон (106 – 43 да н. э.) – рымскі
аратар, філосаф і дзяржаўны дзеяч.
Гарацый (65 – 8 да нашай эры) – рымскі
паэт.
