Пазычыць грошы
Часта можна пачуць наступную скаргу.
Пастаянна не хапае грошай, жыву ад
зарплаты да зарплаты. Прыходзіцца пазычаць у знаёмых. Але і ў іх матэрыяльнае
становішча няпростае. Дый не любяць людзі, калі часта звяртаешся да іх з
падобнай просьбай. Што рабіць: пазычаць ці не пазычаць?
• Як Вы, нашы эксперты, ацэньваеце гэту сітуацыю?
• Што зрабілі б у дадзеным выпадку?
Эксперт Мікалай.
-- Пазычаць і не аддаваць. Крыху
паходзяць за табою, паенчаць і забудуцца, што пазычылі.
Эксперт Даніла.
-- Пазычаць і не аддаваць? Людзі бываюць
розныя. Можна нарвацца на такога, што потым спытае з вялікімі працэнтамі альбо
падасць у суд. Судовае разбіральніцтва, каб ведаў, нікога не ўпрыгожвае. Яно
забярэ ў цябе не толькі грошы, але і тваё здароўе.
Эксперт Ніна.
-- Мама даўно вучыла мяне жыць па
сродках. Старайся так пабудаваць сваё жыццё, каб сваіх грошай хапала. Я заўжды раблю менавіта гэтак, жыву эканомна,
ведаю, што можна купіць, а чаго нельга. Таму ніколі ні ў кога не пазычаю і
адчуваю сябе няблага.
Эксперт Марыся.
-- Не хапае грошай, маленькая зарплата?
Дык пастарайся знайсці працу з большай зарплатай. Спадзявайся на сябе, а не на
іншых. Менавіта ты гаспадар свайго жыцця, свайго лёсу.
• А як да гэтай сітуацыі адносіцеся Вы, нашы чытачы?