Сінонімы са словамі худы,
халодны
Помніце! Сінонімамі з’яўляюцца словы,
аднолькавыя або блізкія па значэнні.
•
Звярніце ўвагу на тое, як пішуцца словы: худы, халодны.
•
Да якой часціны мовы адносяцца словы худы, халодны?
Д л я д а в е д к і: адказваюць на пытанне я к і?
•
Вызначце дзве асобныя групы сінонімаў (адно слова тут
“лішняе”). Яны маюць розныя значэнні.
Схуднелы, схаладнелы,
марозны, хударлявы, адубелы, змарнелы, мізэрны, адубянелы, сцюдзёны, кашчавы,
касцісты, ледзяны, благі, мокры, сухарлявы.
Эксперт Змітрок.
-- Да першай групы, як
мне здаецца, адносяцца сінонімы схуднелы,
хударлявы, змарнелы, мізэрны, кашчавы, касцісты, сухарлявы.
Эксперт Алеся.
-- Згодна са Змітраком.
Да іх можна падабраць сінонім худы.
•
Які сінонім з гэтай групы не назваў Змітрок?
Эксперт Насця.
-- Сінонімы схаладнелы, марозны, адубелы, адубянелы,
ледзяны, так лічу, складаюць другую групу сінонімаў.
Эксперт Міхась.
-- Згодзен з Насцяй. Да
іх можна падабраць сінонім халодны.
•
Які сінонім з гэтай групы не назвала Насця?
•
А як лічыце Вы, нашы шаноўныя чытачы?
•
Прачытайце. Выберыце з дужак патрэбны сінонім.
1. Мяне сустрэў
(схуднелы, сухарлявы) пасля хваробы Сымон.
2. Спартсмен быў (мізэрны, хударлявы).
3. Дзьмуў (ледзяны, адубянелы) вецер. 4. Дзень выдаўся (схаладнелы,
марозны).
•
Ці з’яўляюцца сінонімамі словы худы і сухарэбры, халодны і
свежы? Як вы лічыце?
Выкарыстоўвайце толькі для кантролю, каб праверыць сябе
Д л я
д а в е д к і (словы-адказы напісаны наадварот).
Гэта ікінтемырп;
“лішняе” слова ырком (не з’яўляецца
сінонімам); не названыя сінонімы: ігалб, ынёздюцс;
1 – ылендухс, 2 – ывялрадух, 3 -- ыняздел; 4 -- ынзорам; аццюялўя’з.
Распрацаваў Аляксей Якімовіч
