І жартам, і ўсур’ёз.
Бабыль
• Як вы лічыце?
Бабыль
– гэта …
1)
чалавек, які любіць расказваць пра былое;
2)
чалавек, які любіць жанчын;
3)
чалавек, які вырошчвае боб;
4)
раней: беззямельны адзінокі селянін-бядняк;
5)
прылада працы;
6)
малады хлопец;
7)
цікавы верш;
8)
адзінокі, бессямейны чалавек.
9)
вялікая бобіна;
10)
даўнейшая зброя.
[1, с. 49]
Падказка.
Дадзены
ключавыя словы з указаных тлумачэнняў, напісаныя наадварот: нінялес, ынйемяссеб.
Паразважаем.
• Што ці каго вам нагадвае слова бабыль?
• Якое новае беларускае слова
можна скласці з літар, што ўваходзяць у слова бабыль?
А
калі дабавіць яшчэ адну літару?
• Запішыце назоўнік бабыль у давальным і творным склоне,
паставіўшы да яго пытанні каму? кім?.
• Які сказ можна скласці,
выкарыстаўшы слова бабыль?
Скорагаворка.
Бабыль
быў у Бабруйску.
Выкарыстаная літаратура
1. Баханькоў, А. Я.
Тлумачальны слоўнік беларускай мовы: для сярэдняй школы / А. Я. Баханькоў, І.
М. Гайдукевіч, П. П. Шуба. – 2-е выд., перапрац. і дап. -- Мінск : Нар. асвета, 1972. – 376 с.
Падрыхтаваў Аляксей Якімовіч
