Гульня “Ад старту да фінішу разам з адасобленымі прыдаткамі”
• Каб
паспяхова дабрацца да фінішу, выканайце заданні да тэмы “Адасобленыя прыдаткі”.
• Вось
што адасобленыя прыдаткі паведамляюць пра сябе:
Назоўнікамі ў сказах
Звычайна выражаемся,
Ля асабовага займенніка
Заўжды адасабляемся.
Аляксей Якімовіч.
Успамінаем.
Прыдатак
– гэта азначэнне. Ён выражаны назоўнікам, які стаіць з азначаемым (галоўным)
словам у адным і тым жа склоне. Адасобленыя прыдаткі выдзяляюцца сэнсава і
інтанацыйна, на пісьме звычайна адасабляюцца коскамі або працяжнікамі.
•
Сказы, прапанаваныя для гульні (уставіўшы прапушчаныя знакі прыпынку, выберыце
патрэбны з прапанаваных).
Выражаны адзіночным назоўнікам
прыдатак, які адносіцца да асабовага займенніка (адасабляецца)
1.
Аднавяскоўцы ў гэты цёплы асенні дзень сабраліся на беразе ракі (Аляксей Якімовіч). Яны, аднавяскоўцы,
заўжды дапамагалі сваім суседзям і сваякам (Аляксей
Якімовіч).
Выражаны назоўнікам з
паясняльнымі словамі прыдатак, які адносіцца да асабовага займенніка
(адасабляецца)
2. Ён, наш любімы настаўнік, быў для нас
як другі бацька, як старэйшы брат (Аляксей
Якімовіч). У многіх вучняў нашай школы ёсць любімы настаўнік (Аляксей Якімовіч).
Прыдатак, які адносіцца да
ўласнага назоўніка і стаіць пасля яго (адасабляецца)
3.
Купалле сабрала не толькі дарослых, але і падлеткаў, і дзяцей рознага ўзросту (Аляксей Якімовіч). Купалле, старажытнае
свята нашых продкаў, кожнае лета мы адзначаем на высокім беразе ракі (Аляксей Якімовіч).
Прыдатак, які звязваецца з
паяснёным словам (назоўнікам) злучнікамі ці,
або, як (адасабляецца)
4.
Каля нашай хаты вясною побач з садовай ружай вырасла і дзікая (Аляксей Якімовіч). Шыпшына, або дзікая
ружа, густа разраслася каля невялікага лісцёвага ляска. Вадзяная лілея, або
гарлачык, звычайна расце ў забалочаных вадаёмах і мае даўжыню да трох метраў (Аляксей Якімовіч).
• Якія
словы тут рыфмуюцца?
1. Апошняе слова адасобленага
прыдатка мы, унукі лесніка,
Рыфмуецца з апошнім словам такога ж
прыдатка я, сын р.. .
2. Апошняе слова адасобленага прыдатка Янка Купала, наш паэт,
Рыфмуецца з апошнім словам такога ж
прыдатка Мікола, мой с.. .
3. Апошняе слова адасобленага прыдатка
яна, навальніца,
Рыфмуецца з апошнім словам такога ж
прыдатка яна, к.. .
4. Апошняе слова адасобленага прыдатка
Скарына, наш першадрукар,
Рыфмуецца з апошнім
словам такога ж прыдатка мая першая
кніга, беларускі б.. .
5. Апошняе слова адасобленага прыдатка
яны, трактарысты,
Рыфмуецца з апошнім словам такога ж
прыдатка мы, артысты.. .
6. Апошняе слова адасобленага прыдатка
дуб, магутны велікан,
Рыфмуецца з апошнім словам такога ж
прыдатка памешчык, або багаты п, .. .
•
Адказы да задання “Сказы, прапанаваныя для гульні” (выкарыстоўвайце толькі для
кантролю): 2, 1, 2, 2, 3.
•
Адказы да вершаванага тэксту (выкарыстоўвайце толькі для кантролю; напісана
наадварот апошняе слова сказа): акабыр, десус, ацінырк, равкуб, ытсытра, нап.
Распрацаваў Аляксей Якімовіч
