Па старонках старых газет
Не
піце гарэлку!
Аднаго разу я вырашыў пазнаць жыццё моладзі ў мястэчку
Жыровіцы Слонімскага павету. Таму пайшоў на вечарынку, дзе прасядзеў доўгі час
і ўцешыўся, убачыўшы, што моладзь цвярозая, зусім спакойна і цікава гуляе. А калі
рушыў ісці дахаты, то ў дзвярах убачыў брыдкі абраз двух маладых хлопцаў. Не
раўнуючы, як жывёліны, проста ракам, як кажуць, яны лезлі ў хату. Цвярозыя,
злітаваўшыся, дампамаглі ім увайсці і пасадзілі на крэслы. П’яныя, аднак, не
сядзелі спакойна і пачалі біцца. Убачыўшы гэта, цвярозыя вывелі іх з вечарыны і
завялі дамоў спаць.
Дарагая моладзь, брыдка нават падумаць аб такім. Пара
ўжо, даўно пара стаць на добрую дарогу! Кіньце піць гарэлку, не марнуйце грошы
і здароўе.
Мы маем свае арганізацыі, свае часопісы. Замест таго, каб
п’янстваваць, лепш ахвяраваць грошы на агульную грамадскую мэту.
Зробім мы гэта, выпісваючы і чытаючы беларускія кніжкі ды
часопісы, такія, як “Шлях моладзі” ды іншыя. І гэтым самым навучымся жыць!
Пара апамятацца.
“Шлях моладзі” (Вільня), № 3 (13) сакавіка 1930 г.
