Мае адносіны да міліцыі

Мае адносіны да міліцыі (тэст і іншае)

Выказванні славутых людзей

                                                                  Ніхто не нясе адказнасці за свае думкі.

                                                                  Той, хто прызнаўся, лічыцца асуджаным.

                                                                           Цыцэрон, старажытнарымскі аратар,   

                                                                           філосаф і дзяржаўны дзеяч.

                                                                   Няведанне закона не з’яўляецца            

                                                                   апраўданнем, няведанне факта з’яўляецца            

                                                                   апраўданнем.

                                                                              Непот, рымскі гісторык.

                                                                       

                                                                   Маўчанне раўназначна прызнанню.

                                                                   

                                                                    Адказчык, пярэчачы, становіцца істцом.          

                                                                                Сенека, старажытнарымскі 

                                                                                 філосаф і паэт.

Тэст на праверку “Як ты адносішся да сваёй міліцыі?”

                                                                                

1. Адносіны да знешнасці міліцыянераў, у тым ліку і да іх адзення:

а) мне зусім не падабаецца іх знешнасць;

б) хацеў бы, каб мелі лепшую, больш прывабную знешнасць;

в) лічу, што выглядаюць някепска.

2. Думкі пра  міліцыю:

а) амаль увесь час думаю пра міліцыю, яна мяне непакоіць;

б) іншы раз думаю, што міліцыя можа прынесці нейкія клопаты;

в) думкі пра міліцыю мяне не трывожаць.

3. Ацэньваю свой настрой, чытаючы ці слухаючы пра дзейнасць міліцыі:

а) многае з дзейнасці міліцыі ўвесь час выклікае незадаволенасць, злосць;

б) часта ўзнікае невялікае раздражненне, калі чытаю ці слухаю пра дзейнасць міліцыі;

в) чытаючы ці слухаючы пра дзейнасць міліцыі, не адчуваю асаблівых эмоцый.

4. Паразважаю аб тым, ці хацеў бы праводзіць час у кампаніі міліцыянера:

а) не хацеў бы;

б) мог бы пабыць з міліцыянерам толькі нейкі час;

в) хацеў бы праводзіць час у кампаніі міліцыянера.

5. Ацэньваю зарплату міліцыянераў:

а) часта думаю аб тым, што міліцыянеры атрымліваюць завышаную зарплату;

б) лічу, што не ўсе міліцыянеры дастойны той зарплаты, якую яны атрымліваюць;

в) зарплата міліцыянераў мяне не цікавіць.

6. Ацэньваю свае эмоцыі, пачуўшы слова “міліцыянер”:

а) пачуўшы слова “міліцыянер”, моцна палохаюся альбо набіраюся вялікай злосці;

б) крыўлюся, пачуўшы слова “міліцыянер”;

в) слова “міліцыянер” для мяне такое ж, як і звычайнае слова нашай мовы.

7. Адносіны да тых людзей, чые блізкія сваякі працуюць у міліцыі:

а) да такіх людзей адношуся адмоўна;

б) такія людзі выклікаюць у мяне насцярожанасць;

в) да такіх людзей адношуся з павагай.

8. Адносіны да сучаснага ў міліцыі:

а) сучаснае ў міліцыі палохае;

б) сучаснае ў міліцыі прымушае задумацца, але не палохае;

в) веру ў добрае сучаснае міліцыі.

9. Адносіны да перамен у міліцыі:

а) у бліжэйшыя 2 – 3 гады перамены не стануць лепшыя;

б) магчыма, штосьці зменіцца ў працы міліцыі да лепшага, але не асабліва веру ў гэта.

в) веру ў лепшыя перамены ў міліцыі.

Складзіце набраныя балы:

а) 2 балы;

б) 1 бал;

в) нуль балаў.

16 балаў і болей: табе зусім не падабаюцца твае міліцыянеры.

8 -- 13 балаў: твае міліцыянеры – гэта частка твайго грамадства, да якога ты адносішся з большай ці меншай доляй крытыкі.

7 балаў і менш: цябе ўсё ці амаль усё задавальняе ў працы тваіх міліцыянераў.

Парады тым, хто звярнуўся з заявай у міліцыю

1. Аддай заяву дзяжурнаму аддзялення міліцыі і пастарайся прасачыць, каб яе зарэгістравалі ў гэты ж самы дзень.

2. У аддзяленні міліцыі вядзі сябе спакойна, стрымлівай свае эмоцыі.

3. Імкніся выклікаць сімпатыю ў супрацоўніка міліцыі. Помні: ён можа стаць альбо тваім абаронцам, альбо тваім ворагам.

4. Ведай: для супрацоўніка міліцыі твая заява – лішні клопат. Таму прымаць і разгляваць яе ён будзе з неахвотай.

5. Не давярайся міліцыянеру.

6. Шмат не балбачы, трымайся тых паказанняў, якія ты выклаў у сваёй заяве.

7. Ведай: за ілжывыя паказанні, выкладзеныя ў заяве, будзеш адказваць згодна з законам.

8. Узяўшы заяву, з міліцыі цябе не адпусцяць, а будуць браць дадатковыя тлумачэнні.  Магчыма, некалі разоў, каб праверыць тваю праўдзівасць ці заблытаць цябе.

9. Дадатковыя тлумачэнні з тваіх слоў (звычайна ён сам іх вымаўляе, азнаёміўшыся з заявай) запісвае супрацоўнік міліцыі. Перш чым падпісваць, не палянуйся іх прачытаць, каб праверыць правільнасць запісанага.

10 Нейкія важныя для цябе факты ў час напісання дадатковага тлумачэння супрацоўнік міліцыі можа апусціць. Патрабуй, каб яны былі ўнесены ў тлумачэнне.

11. Дадатковае тлумачэнне, напісанае супрацоўнікам міліцыі, -- тваё тлумачэнне, напісанае з тваіх слоў, за якія ты нясеш адказнасць.

12. Магчыма, ты палічыў, што ўжо ў падпісаным тлумачэнні ёсць няправільна выкладзеныя факты. У такім выпадку, не адкладваючы, напішы новую заяву ў міліцыю і  растлумач, чаму так адбылося.

13. Адказ на тваю заяву супрацоўнікі павінны даць на працягу 14 дзён.

14. Іншы раз у адказ на тваю заяву табе могуць прыслаць звычайную адпіску. Аднясіся да гэтага спакойна, прааналізуй адказ і пастарайся прыняць правільнае рашэнне.

15. Несучы заяву ў міліцыю, бяры з сабою акуляры (калі яны табе патрэбны).