Экспертыза “Зайздросная сяброўка”
Ёсць у мяне сяброўка Ала. З ёю мы бавім
час, сустракаемся, часта дзелімся сваімі перажываннямі. Але ў яе ёсць адна
загана: яна зайздросная. Нядаўна я купіла кофтачку. Дык Ала цэлы дзень хадзіла
і ўздыхала, не размаўляла са мною. Толькі на другі дзень крыху супакоілася,
адышла ад зайздрасці.
• Як Вы, нашы эксперты, ацэньваеце гэту сітуацыю?
• Што зрабілі б у дадзеным выпадку?
Эксперт Мікалай. Сітуацыя нядобрая. Твая
сяброўка пакуль уздыхае, але праз нейкі час, набраўшыся зайздрасці, можа
нашкодзіць табе. Ад такой сяброўкі трэба трымацца далей.
Эксперт Галіна. Паспрабуй шчыра
пагаварыць з Алай, растлумач ёй, што зайздрасць псуе вашы адносіны, перашкаджае
сяброўству. Магчыма, яна зразумее гэта і пазбавіцца ад зайздрасці.
Эксперт Таццяна. Ад зайздрасці, як і ад
помслівасці, прагнасці, цяжка пазбавіцца, відаць, немагчыма. Гэта не проста
нейкі недахоп у характары, а яго адметная рыса. Не давярай Але, будзь
асцярожная.
Эксперт Кастусь. Сапраўды, вы
па-ранейшаму можаце сустракацца, але, як гаворыцца, з Алай трэба трымаць
дыстанцыю. А дзяліцца перажываннямі, важнымі сакрэтамі? Я не стаў бы гэтага
рабіць.
• А як да гэтай сітуацыі адносіцеся Вы, нашы чытачы?
