Тэст (састаўныя колькасныя лічэбнікі)
Казка
Аднаго дня разышоўся сабака Жучок.
-- Я ўсё ведаю! Я ўсё магу! Любое
заданне без падрыхтоўкі магу выканаць! – заявіў кату Паласаціку.
-- Каб выканаць
заданне, правіла трэба вывучыць, -- заўважыў Паласацік.
-- Без правіла абыдуся. Няхай правіла
певень на сметніку вучыць! -- сказаў Жучок і зарагатаў, задаволены сваім
жартам.
Паласацік моўчкі паківаў галавою, сеў
за стол і пачаў пісаць, старанна выводзячы літары.
-- Сусед, што ты там так доўга пішаш?
-- не выцерпеў Жучок.
-- Заданне табе падрыхтаваў. Зараз
пагляджу, як без падрыхтоўкі яго
выканаеш.
-- Адной левай, сусед! -- Жучок
наблізіўся да стала, прачытаў на лістку заданне і са здзіўленнем усклікнуў : --
Мне трэба выпісаць састаўныя колькасныя лічэбнікі?!
-- Так, -- прамовіў Паласацік.
Закруціў Жучок хвастом.
-- Першы раз пра іх чую!
-- Ты ж хваліўся, што без падрыхтоўкі
любое заданне выканаеш, -- напомніў Паласацік.
Сабачка пачырванеў да самых вушэй.
-- Пагарачыўся я... Вось што, братка.
Дай мне, калі ласка, вучэбны дапаможнік. Я спачатку правіла вывучу, а потым
тваё заданне выканаю.
А
• Назавіце састаўныя колькасныя лічэбнікі.
1. Шэсць.
2. Дваццаць шэсць.
3. Шаснаццаць.
4. Сто сем.
5. Тысяча дзвяцьсот сорак дзевяць.
Б
• Назавіце састаўныя колькасныя лічэбнікі наступнай
будовы:
1) просты + просты;
2) складаны + просты;
3) складаны + складаны;
4) складаны + складаны + просты;
5) складаны + просты + просты.
Лічэбнікі:
а) пяцьдзесят тры;
б) сорак восем;
в) шэсцьсот пяцьдзесят адзін;
г) пяцьсот семдзесят;
д) чатырыста трыццаць пяць.
В
• Назавіце правільную форму састаўнога колькаснага лічэбніка
і назоўніка:
1. З шасцюдзесяццю рублямі.
2. З шэсцьдзесят рублямі.
3. З шасцюдзесят рублямі.
Адказы.
А- 2, 4, 5.
Б- 1б, 2а, 3г, 4в, 5д.
В-1.
Каб падрыхтавацца
да тэмы “Састаўныя колькасныя лічэбнікі”, вам трэба навучыцца даваць адказ на
змешчаныя ніжэй пытанні.
• Якія лічэбнікі называюцца састаўнымі колькаснымі?
• Як скланяюцца састаўныя колькасныя лічэбнікі?