Выбіраем патрэбнае. Традыцыі.
Традыцыі – правілы паводзін, якія перадаюцца ад аднаго пакалення да другога.
Нашы беларускія традыцыі – гэта…
1) беражлівыя адносіны да беларускіх
народных песень (на тэрыторыі сучаснай Беларусі ўзніклі ў глыбокай старажытнасці
і развіваліся як вусная народная творчасць);
2) памяць пра герояў Вялікай Айчыннай
вайны;
3) калектывізм, узаемавыручка;
4) павага да старэйшых, клапатлівыя
адносіны да іх;
5) беражлівыя адносіны да беларускіх
народных казак, паданняў (на тэрыторыі сучаснай Беларусі ўзніклі ў глыбокай
старажытнасці і развіваліся як вусная народная творчасць);
6) памяць пра герояў, якія ва ўсе часы
абаранялі нашу зямлю ад захопнікаў;
7) беражлівыя адносіны да беларускай
мовы (на тэрыторыі сучаснай Беларусі ўзнікла ў глыбокай старажытнасці);
8) беражлівыя адносіны да беларускіх
народных прыказак, прымавак (на тэрыторыі сучаснай Беларусі ўзніклі ў глыбокай
старажытнасці і развіваліся як вусная народная творчасць;
9) беражлівыя адносіны да рускай мовы;
10) памяць пра рэвалюцыянераў, якія
змагаліся за волю, за незалежнасць нашай краіны ва ўсе часы яе існавання;
11) памяць пра памерлых;
12) памяркоўнасць;
13) клопат аб сваёй сям’і;
14) гатоўнасць абараніць краіну, яе
незалежнасць;
15) імкненне да дабрабыту;
16) сяброўства і ўдзячнасць;
17) гасціннасць;
18) непрымірымыя адносіны да ворагаў;
19) рэлігійнасць;
20) імёны, характэрныя для беларусаў,
напрыклад: Алесь, Міхась, Хведар, Мацей, Алеся, Параска, Настуся, Маруся;
21) прозвішчы, характэрныя для
беларусаў, напрыклад: Марціновіч, Талерчык, Герасімчык, Важэйка, Кулак,
Караткевіч.
Цікавыя выказванні славутых людзей
Добрыя звычаі маюць большае значэнне,
чым добрыя законы (Тацыт – рымскі гісторык; каля 58 – пасля 117).
Звычаі замяняюць законы (Цыцэрон --
рымскі аратар, філосаф і дзяржаўны дзеяч; 106 – 43 да н. э.).
Калі жывеш у Рыме, жыві па рымскіх
звычаях (Гарацый – рымскі паэт; 65 – 8 да н. э.).
• У цябе, наш чытач, ёсць іншая думка? Якая яна?
• Падбярыце сінонім (блізкае па значэнні слова) да слова “традыцыя”.
Падказка: аднакаранёвае слова да яго –
звычайны.
Народныя прыказкі і прымаўкі
Дайду да свайго роду хоць праз воду.
Дурная птушка свайго гнязда не шануе.
Кожная птушка сваё гняздо ведае.
Хто мову і веру мяняў, той не то сябе –
і суседа прадаваў.
[1, стар. 79 -- 82]
Выкарыстаная літаратура
1. Беларускія прыказкі, прымаўкі, фразеалагізмы / склаў Ф. Янкоўскі. – 2-е выд., дап. --
Мінск : Выд-ва АН БССР, 1962. – 556 с.