МОЎНЫЯ ПАРАДЫ «ДАКАЖЫЦЕ»
1. Выкарыстаўшы
ўзор разважання, растлумачце правапіс
літары б у слове "абвесці".
Узор разважання. У слове "падбегчы" прыстаўка пад-. А прыстаўкі, якія заканчваюцца на д, б
(аб-, ад-, пад-, над-, перад-), пішуцца нязменна.
Назавіце словы з прыведзенымі вышэй прыстаўкамі.
2. Дакажыце, што словы гаворка, зелень --
назоўнікі, гаваркі, зялёны -- прыметнікі, гаварыць, зелянець -- дзеясловы ў неазначальнай форме.
Узор разважання. Слова "праца" -- назоўнік,
таму што абазначае прадмет і адказвае на пытанне што? Скланяецца. Канчатак -а
ўказвае, што гэта назоўнік жаночага роду, ужыты ў форме адзіночнага ліку,
назоўнага склону.
Слова
"працавіты" -- прыметнік, таму што абазначае прымету прадмета і
адказвае на пытанне які? Скланяецца.
Канчатак -ы ўказвае на сувязь з назоўнікам мужчынскага роду, які ўжыты ў форме
адзіночнага ліку, назоўнага склону.
Слова
"працаваць" -- дзеяслоў, таму што абазначае дзеянне і адказвае на
пытанне што рабіць? Спрагаецца. Суфікс -ць указвае, што гэта
дзеяслоў у
неазначальнай форме.
3. У слове "змерзнуць" пішам з. А як вымаўляем?
Для даведкі: свісцячыя з, с,
дз, ц перад мяккімі зычнымі вымаўляюцца мякка: [з′, с′,
дз′, ц′].
Прывядзіце слова са свісцячым [дз′] перад мяккім зычным.
4. У слове "наваколле" пішам лл. А як вымаўляем?
Прывядзіцце слова са спалучэннем зычных лл.
Для
даведкі: спалучэнні дзвюх аднолькавых літар чытаюцца
як адзін падоўжаны гук.
5. Якія гукі абазначае
літара я ў слове
"аб'яднаць"?
Прывядзіце слова, у якім
літара я абазначае два гукі.
6. Прывядзіце словы, у якіх назіраецца
характэрная асаблівасць беларускай фанетыкі -- ужываецца нескладовы гук ... ([ў]). Які ён: галосны ці зычны?
7. У слове "шчасціць" пішам шч. А як вымаўляем?
Для даведкі: замест [щ] (русск.) вымаўляецца [шч].
Прывядзіце словы, у якіх пішацца і
вымаўляецца шч.
Адказы (выкарыстоўвайце толькі для кантролю, словы напісаны наадварот). 1.
Ьцандя’ба.
3. [З′]мерзнуць; емзд. 4. Навако[л’л′]ле; ёллаг. 5. [й’а]; эчшя. 6. Ынчыз. 7. [Шч]асціць;
капучш.
