Гульня “Ад старту да фінішу разам з адасобленымі дапаўненнямі”
• Каб
паспяхова дабрацца да фінішу, выканайце заданні да тэмы “Адасобленыя
дапаўненні”.
• Вось
што адасобленыя дапаўненні паведамляюць пра сябе:
Прыназоўнікі акрамя, апрача
З намі ўжываюцца
І, канешне, разам
У сказе выдзяляюцца.
Аляксей Якімовіч.
Успамінаем.
Дапаўненні
адказваюць на пытанні ўскосных склонаў (усіх, акрамя назоўнага). Адасобленыя
дапаўненні выдзяляюцца сэнсава і інтанацыйна, на пісьме звычайна адасабляюцца
коскамі.
•
Сказы, прапанаваныя для гульні (уставіўшы прапушчаныя знакі прыпынку, выберыце
патрэбны з прапанаваных).
Дапаўненне, выражанае назоўнікам
з прыназоўнікам у адрозненне (адасабляецца)
1. Вясковыя
людзі(,) у адрозненне ад гарадскіх(,) жывуць дружна, згуртавана (Аляксей Якімовіч). Браты-блізнюкі Міхась
і Янка былі вельмі падобныя, не кожны іх мог адрозніць (Аляксей Якімовіч).
Дапаўненне, выражанае
займеннікам з прыназоўнікам за выключэннем
(адасабляецца)
2. Міхася, на жаль, траўміравалі,
выключылі з гульні (Аляксей Якімовіч).
У футбол гулялі ўсе(,) за выключэннем дзяўчынак (Аляксей Якімовіч).
Дапаўненне, выражанае назоўнікам
з прыназоўнікам замест; ён мае значэнне
“за” (не адасабляецца)
3. У
гэты лагодны асенні дзень на полі замест бацькі працаваў Пятрусь (Аляксей Якімовіч). Стол(,) замест
абруса(,) заслалі прыгожай саматканай радзюжкай (Аляксей Якімовіч).
Дапаўненне, выражанае назоўнікам
з прыназоўнікам акрамя, перад якім
знаходзіцца ўзмацняльная часціца і (не
адасабляецца)
4. Акрамя
сілы(,) трэба мець і розум. (Аляксей
Якімовіч). Нешта мы атрымалі і акрамя ганаровай граматы (Аляксей Якімовіч).
• Якія
словы тут рыфмуюцца?
1. Апошняе слова адасобленага
дапаўнення ўсе, акрамя жанчын,
Рыфмуецца з апошнім словам такога ж
дапаўнення ўсё, акрамя м.. .
2. Апошняе слова адасобленага дапаўнення ўсіх, уключаючы старых,
Рыфмуецца з апошнім словам такога ж
дапаўнення ўсім, уключаючы м.. .
3. Апошняе слова адасобленага
дапаўнення ўсе, за выключэннем свата,
Рыфмуецца з апошнім словам такога ж
дапаўнення ён, у адрозненне ад б.. .
4. Апошняе слова адасобленага
дапаўнення ўсё, апрача маслякоў,
Рыфмуецца
з апошнім словам такога ж дапаўнення яны,
у адрозненне ад б.. .
5. Апошняе слова адасобленага
дапаўнення ён, у адпаведнасці з дамовай,
Рыфмуецца з апошнім словам такога ж
дапаўнення яна, у параўнанні з новай.. .
•
Адказы да задання “Сказы, прапанаваныя для гульні” (выкарыстоўвайце толькі для
кантролю): 2, 1, 2, 2, 3.
•
Адказы да вершаванага тэксту (выкарыстоўвайце толькі для кантролю; напісана
наадварот апошняе слова сказа): нілам, хыдалам, атарб, ўоківараб, йавон.
Распрацаваў Аляксей Якімовіч
