Парада. Як паменьшыць халестэрын у крыві
• Якую шкоду прыносіць
халестэрын?
Пры павышаным халестэрыне на сценках крывяносных сасудаў
адкладваюцца атэрасклератычныя бляшкі. У выніку сасуды звужваюцца.
Выказванне
Зберажэш здароўе ў маладосці – паменьшыш грашовыя затраты
ў старасці (Аляксей Якімовіч.)
Парада,
якая не патрабуе выдаткаў
Вядзіце актыўны лад жыцця, больш рухайцеся.
Народныя
сродкі
• Ці
дапамагаюць чырвоныя буракі паменьшыць халестэрын.
Дапамагаюць, калі есці нашча (на галодны жалудак) ад 100 да
150 грамаў гэтай агародніны. Чырвоныя буракі выводзяць з цела лішкі
халестэрыну, дапамагаюць супрацьстаяць развіццю тромбафлебіта.
• Ці можна
ўжываць мёд пры павышаным халестэрыне?
Пры павышаным халестэрыне мёд карысны ў невялікіх
колькасцях.
Можна скруціць з дапамогай мясарубкі адзін кілаграм
лімонаў, дзве галоўкі часныку, дабавіўшы туды шклянку мёду. Есці па адной лыжцы
перад прыёмам ежы.
Не рэкамендуецца гэта рабіць тым, у каго хворы жалудак,
павышаная кіслотнасць.
Помніце! Перш чым пачаць лячэнне, трэба звярнуцца да лекара.
Вершаваныя
радкі
Дзяцел лечыць дрэвы,
А
лекар – людзей.
Беражы здароўе,
Ніколі не хварэй.
Аляксей Якімовіч
Заданні
для моваведаў
1. Да слова “шпарка” падбярыце блізкае па значэнні прыслоўе,
якое пачынаецца з зычнай літары х.
2. Да слова “пяшчота” падбярыце блізкі па значэнні
назоўнік, які пачынаецца з зычнай літары л.
3. Да слова “махляваць” падбярыце блізкі па значэнні
дзеяслоў, які пачынаецца з літары м.
4. Да слова “несумненны” падбярыце блізкі па значэнні
прыметнік, які пачынаецца з літары “с”.
• Выкарыстаўшы
літары т, р, н, можаце прадоўжыць
гэта заданне.
Адказы: (выкарыстоўвайце толькі для кантролю; словы напісаны наадварот). 1:
актух. 2: аксал. 3: ьцінам. 4.
ындўарпас.
