Гэты дзіўны беларускі свет. Хата.
Калі чую слова “хата”, то…
бачу
сваіх блізкіх: маці, бацьку, братоў. У печцы гараць дровы, печка аддае хаце
цяпло. Старэйшы брат вучыць урокі, чытае гучна, выразна. Слухаю, як незвычайную
малітву. Хата хоць не надта вялікая, але ўсім у ёй хапае месца.
• Што ўяўляеце Вы, калі чуеце
слова “хата”?
Хата
– у хаце.
1. Якія гукі чаргуюцца (адзін гук замяняецца другім) у
формах слова “хата”, “ хаце”: галосныя ці зычныя? Адзначце іх.
2. Складзіце словазлучэнне са
словам “хата”, выкарыстаўшы галоўнае і залежнае словы.
Помніце! Ад галоўнага слова да залежнага можна паставіць пытанне.
3. Складзіце сказ, выкарыстаўшы наступныя словы: комінам, дымок, над, шэры,
уецца, хаты.
4. Комін – гэта
дымовая труба.
• Ці
правільным будзе такое тлумачэнне?
5.
На беразе вёска,
А у вёсцы хата.
Дзверы адчыняе
І ў будні, і ў свята.
Аляксей Якімовіч.
Будні
– гэта:
а)
працоўныя дні;
б)
дні адпачынку.
• Выберыце патрэбнае.
Скорагаворка.
У хаце скрабецца маленькая мышка.
• Паспрабуйце
паўтарыць хутка і выразна.
Беларускі свет – гэта:
а) словы беларускай мовы;
б) беларускія народныя песні;
в) песні народаў свету;
г) эстрадныя песні на беларускай мове;
д) эстрадныя песні на мовах народаў свету;
е) мастацкая літаратура на беларускай мове;
ё) мастацкая літаратура на мовах народаў свету;
ж) установы адукацыі на беларускай мове;
з) установы адукацыі на мовах народаў свету;
і) праўдзівая гісторыя краіны;
к) гісторыя краіны;
л) афармленне на вуліцах і ў будынках на беларускай мове;
м) афармленне на вуліцах і ў будынках на мовах народаў свету;
н) маліцца на беларускай мове;
о) маліцца на мовах народаў света.
• Выберыце
тое, што адпавядае Вашаму разуменню.
Словы беларускія,
Я да вас тулюся,
Размаўляю з вамі,
Думкамі дзялюся.
Аляксей Якімовіч.
Адказы (выкарыстоўвайце толькі для кантролю; словы напісаны наадварот).
1. Яынчыз. 2. Атах яалпёц. 4. Кат. 5. Яынўоцарп.