Экспертыза “Злосная чыноўніца”
У вялікім кабінеце чыноўніцы, дзе за
сталамі сядзелі і ншыя яе сяброўкі, стаў размаўляць з чыноўніцай гучна, так як
доўга не вырашалася мая набалелая праблема. Нечакана адна з чыноўніц усхапілася
з-за стала і, наблізіўшыся да мяне, заявіла, што я абражаю іх, таму яна зараз
выкліча міліцыю, каб прыцягнуць мяне да адказнасці за абразу, хаця ў час гэтай
размовы я не выкарыстоўваў грубых, абразлівых слоў.
• Як Вы, нашы эксперты, ацэньваеце гэту сітуацыю?
• Што зрабілі б у дадзеным выпадку?
Эксперт Пятрусь.
-- Чыноўніц было шмат. Аб’яднаўшыся, яны
сапраўды маглі б прыцягнуць Вас да адказнасці за абразу. У дадзеным выпадку ў
той кабінет я пайшоў бы не адзін, а ўзяў бы з сабою надзейнага сябра. У
канфліктнай сітуацыі ён мог бы стаць маім сведкам.
Эксперт Аксана.
-- Ні ў якім разе не павышайце голас, не
правацыруйце чыноўніка ні словам, ні рухам. Помніце народную мудрасць: слова не
верабей: выпусціў – не зловіш.
Эксперт Алесь.
-- Многія сучасныя чыноўнікі
фанабэрыстыя, злосныя. Ім здаецца, што яны сядзяць не на крэсле, а на белым
кані як нейкія незвычайныя правадыры. Таму, адстойваючы сваю пазіцыю, трэба
весці сябе максімальна карэктна.
Эксперт Таццяна.
-- Занятыя папернай пісанінай, многія
чыноўнікі не хочуць бачыць наведвальнікаў, не хочуць вырашаць нейкія праблемныя
пытанні. Вось таму яны і становяцца
такімі агрэсіўнымі.
Ці можна іх правучыць, як гаворыцца, паставіць на месца? Можна,
запісаўшы ўсю размову на мабільны тэлефон. Яна ў канфліктнай сітуацыі можа
прыйсці Вам на дапамогу, стаць Вашым саюзнікам.
• А як да гэтай сітуацыі адносіцеся Вы, нашы чытачы?