Сінонімы са словам праслаўлены
Помніце! Сінонімамі з’яўляюцца словы,
аднолькавыя або блізкія па значэнні.
•
Звярніце ўвагу на тое, як пішацца слова: праслаўлены.
•
Да якой часціны мовы адносіцца слова праслаўлены?
Д л я д а в е д к і: адказвае на пытанне я к і?
Утворана ад асновы неазначальнай формы дзеяслова праславіць.
•
Сінонімы да слова праслаўлены
(адно слова тут “лішняе”).
Вядомы, знатны, знакаміты,
слаўны, славуты, салідны, вялікі, папулярны.
•
Якія з гэтых слоў, як вы лічыце, а) аднолькавыя па значэнні;
б) блізкія па значэнні?
Эксперт Змітрок.
-- Сінонімы праслаўлены, слаўны, славуты, як мне
здаецца, аднолькавыя па значэнні. Яны паказваюць, што нехта не толькі набыў
вядомасць, але яго і ўшанавалі, адзначылі, такім чынам праславілі.
Эксперт Насця.
-- Сінонімы знатны, знакаміты, так лічу, складаюць
яшчэ адну групу аднолькавых па значэнні слоў. Яны паказваюць, што нехта
дасягнуў высокай ступені вядомасці.
Эксперт Алеся.
-- Сінонімы вядомы, вялікі складаюць групу блізкіх
па значэнні слоў. Яны паказваюць на тое, што вялікі мае большую ступень якасці, у яго значна больш дасягненняў,
чым у вядомага.
Эксперт Міхась.
-- Словы праслаўлены, папулярны блізкія па
значэнні. Не кожнага папулярнага могуць
нейкім чынам праславіць.
•
А як лічыце Вы, нашы шаноўныя чытачы?
•
Прачытайце. Выберыце з дужак патрэбны сінонім.
1. Пасля першай
публікацыі аўтар стаў (вядомы, знакаміты). 2. (Папулярны, вялікі) паэт Якуб
Колас шмат зрабіў для нашай літаратуры. 3. Гэты пісьменнік быў (папулярны,
знатны) ў асяроддзі аматараў дэтэктываў.
•
Ці з’яўляюцца сінонімамі словы праслаўлены і слынны? Як
вы лічыце?
Выкарыстоўвайце толькі для кантролю, каб праверыць сябе
Д л я
д а в е д к і (словы-адказы напісаны наадварот).
Гэта кінтемырпеезд;
“лішняе” слова ынділас (не з’яўляецца
сінонімам); 1 – ымодяв, 2 – ікіляв, 3 -- ынрялупап; аццюялўя’з.