Гульня
“Прылады працы”
• Адгадайце,
якая гэта прылада працы.
Гэта назоўнік. Ён мае наступныя марфалагічныя прыметы
(раздзел “Марфалогія” вывучае словы як часціны мовы):
а) неадушаўлёны;
б) агульны;
в) канкрэтны;
г) 1-га скланення;
д) жаночага роду.
Фанетычныя прыметы (раздзел “Фанетыка” вывучае гукі мовы
і іх спалучэнні):
а) падзяляецца на 3 склады;
б) мае 8 літар і 8 гукаў;
в) літара ё
ў ім абазначае галосны гук [о], а літара ў
– нескладовы зычны гук [ў];
г) пачынаецца з 18-й літары алфавіта.
Акцэнталагічная прымета (націск у слове):
а) націск падае на другі склад.
З гэтым назоўнікам могуць рыфмавацца словы вяроўка, сталоўка, абноўка.
• Адгадайце,
якая гэта прылада працы.
Гэта назоўнік. Ён мае наступныя марфалагічныя прыметы:
а) неадушаўлёны;
б) агульны;
в) канкрэтны;
г) 1-га скланення;
д) жаночага роду.
Фанетычныя прыметы:
а) падзяляецца на 3 склады;
б) мае 6 літар і 6 гукаў;
в) літара я
ў ім абазначае галосны гук [а], а літара е – галосны гук [э];
г) пачынаецца з 19 літары алфавіта.
Акцэнталагічная прымета (націск у слове):
а) націск падае на другі склад.
З гэтым назоўнікам могуць рыфмавацца словы папера, галера, фанера.
А д к а з.
Патрэбныя назоўнікі (назвы прылад працы) можна знайсці
сярод наступных “зашыфраваных” слоў: сталоўкавяроўкасякераабноўкарыдлёўкапаперагалерафанера.
• Вы
знайшлі патрэбныя назоўнікі – назвы прылад працы? Падбярыце да іх тыя (новыя)
словы, з якімі яны рыфмуюцца.
• Выкарыстаўшы
ўзор, растлумачце лексічнае значэнне (раздзел “Лексіка” вывучае словы, іх
значэнне) вызначаных назоўнікаў (назваў прылад працы).
У з о р.
Хата – памяшканне, прызначае для пражывання людзей.
• З літар
або гукаў вызначаных назоўнікаў (назваў прылад працы) пабудуйце новыя
беларускія словы.
А д к а з.
Новае беларускае слова можна знайсці сярод наступных
“зашыфраваных” слоў: пясокракалагчынавясна.
Распрацаваў Аляксей Якімовіч