Сінонімы са словам прыгожы
Помніце! Сінонімамі з’яўляюцца словы,
аднолькавыя або блізкія па значэнні.
•
Звярніце ўвагу на тое, як пішацца слова: прыгожы.
•
Да якой часціны мовы адносіцца слова прыгожы?
Д л я д а в е д к і: адказвае на пытанне я к і?
•
Сінонімы да слова прыгожы
(адно слова тут “лішняе”).
Прывабны, абаяльны,
знатны, выдатны, цудоўны, сімпатычны, бездакорны, непаўторны.
•
Якія з гэтых слоў, як вы лічыце, а) аднолькавыя па
значэнні; б) блізкія па значэнні?
Эксперт Змітрок.
-- Сінонімы прыгожы, сімпатычны, як мне здаецца,
аднолькавыя па значэнні. Яны паказваюць, што нехта адрозніваецца адпаведнымі
прыроднымі дадзенамі.
Эксперт Насця.
-- Сінонімы выдатны, бездакорны, так лічу, складаюць
яшчэ адну групу аднолькавых па значэнні слоў. Яны паказваюць, што нехта мае
прыродныя дадзеныя, якія можна лічыць эталонам прыгажосці.
Эксперт Алеся.
-- Сінонімы прывабны, абаяльны складаюць трэцюю групу
аднолькавых па значэнні слоў. Яны паказваюць на тое, што нехта дзякуючы сваім
прыродным дадзеным і ўменню можа выклікаць у адносінах да сябе вялікую
сімпатыю.
Эксперт Міхась.
-- Словы прыгожы, непаўторны блізкія па значэнні.
Непаўторны можа не мець ідэальную,
эталонную прыгажосць.
•
А як лічыце Вы, нашы шаноўныя чытачы?
•
Прачытайце. Выберыце з дужак патрэбны сінонім.
1. У галерэі мы ўбачылі
(прыгожую, прывабную) карціну вядомага мастака. 2. (Абаяльная, непаўторная)
прырода нашага краю 3. Мы сказалі Сымону: “Ты (абаяльны, выдатны) сябар.
•
Ці з’яўляюцца сінонімамі словы прыгожы і чароўны? Як вы
лічыце?
Выкарыстоўвайце толькі для кантролю, каб праверыць сябе
Д л я
д а в е д к і (словы-адказы напісаны наадварот).
Гэта кінтемырп;
“лішняе” слова ынтанз (не з’яўляецца
сінонімам); 1 – юужогырп, 2 – яанротўапен, 3 -- ынтадыв; аццюялўя’з.
Распрацаваў Аляксей Якімовіч