Адкіньце непатрэбнае.
Калектывізм і…
Ёсць розныя рысы чалавечага характару. Людзі па-рознаму
адносяцца да іх, некаторыя нават не заўважаюць, лічаць нормай свайго жыцця. А
ці так гэта? Давайце падумаем, паразважаем, выконваючы некаторыя заданні.
• Прачытайце,
якія могуць быць рысы нашага характару.
1. Калектывізм.
2. Патрыятызм.
3. Гультайства.
4. Валацужніцтва.
5. Памяркоўнасць.
6. Гасціннасць.
7. Абыякавасць.
• Прачытайце
народныя прыказкі і прымаўкі. Якой рысе характару, з прыведзеных вышэй,
адпавядае кожная з іх? Як вы лічыце?
А). Дзе гультай ходзіць, там зямля не родзіць.
Б). Для ўсякай птушачкі сваё гняздо мілае.
В). Жывуць, як аднае маткі дзеці.
Г). Гуртам і ў бядзе лягчэй.
Д). Госцю трэба дараваць, а гаспадару – прамаўчаць.
Е). Ён госцем у сваім двары бывае.
Ё). – А як жа табе ў балоце? – Як прывык, дык і добра [1, стар. 79, 84, 87, 88,
276, 279, 280].
• Адкіньце
тыя рысы характару, тыя заганы (кепскае),
якія, на вашу думку, перашкаджаюць вам жыць. Пазбаўцеся ад іх.
Як і ў лесе дрэвы,
Людзі розныя бываюць.
Першы крок зрабіўшы,
Шлях у жыцці шукаюць.
Аляксей Якімовіч.
Скорагаворка
Гуртам і ў бядзе лягчэй
(Аляксей Якімовіч).
• Паспрабуйце паўтарыць хутка і
выразна.
• Падбярыце блізкія па значэнні
словы да назоўнікаў гурт і шлях.
Адказы (выкарыстоўвайце толькі для кантролю; словы напісаны наадварот)): 3А,
2Б, 5В, 1Г, 6Д, 4Е, 7Ё.
Ўыткелак; агорад.
Выкарыстаная
літаратура
1. Беларускія прыказкі, прымаўкі,
фразеалагізмы / склаў Ф. Янкоўскі. – 2-е
выд., дап. -- Мінск : Выд-ва АН БССР, 1962. – 556 с.