Водгукі чытачоў на маю кнігу “Нязваныя госці”
Якімовіч, А. М. Нязваныя госці :
прыгодніцка-гістарычная аповесць, мастацкія гіпотэзы, вершы, прыпеўкі для
настрою.
Кніга выдадзена ў выдавецтве “Беларусь”. Для шырокага
кола чытачоў.
Яе можна заказаць у аддзеле
маркетынга выдавецтва.
Звярнуўся да наведвальнікаў блога з просьбай выказаць
свае меркаванні пра маю кнігу “Нязваныя госці”. Вось якія водгукі яны мне
прыслалі.
Таццяна.
-- У аповесці “Нязваныя госці” расказваецца пра падзеі,
якія адбываюцца на тэрыторыі сучаснай Беларусі ў 16 стагоддзі. Аўтар праўдзіва,
з веданнем гістарычных фактаў паказвае жыццё, быт нашх продкаў.
Сяргей.
-- Хаця аповесць
накіравана найперш для падлеткаў, але з цікавасцю прачытаў яе і я, дарослы
чытач.
Валянцін.
-- Дзеянні ў аповесці развіваюцца хутка, дынамічна.
Сітуацыі, паказаныя тут, незвычайныя. Твор адпавядае прыгодніцкаму
літаратурнаму жанру. Чытайце і захапляйцеся.
Насця.
-- Мяне ўразіла,
што на абарону дзяцей, якія трапілі ў палон да ворага, падняліся ўсе дарослыя мужчыны
з навакольных вёсак. Вось якая ўзаемавыручка існавала ў той далёкі час.
Вераніка.
-- У кнігу ўключаны і невялікія апавяданні, якія аўтар
назваў мастацкімі гіпотэзамі. Гіпотэза – гэта меркаванне, у дадзеным выпадку
аўтарскае. Аўтар па-свойму паказвае нам, як узніклі ў нашай мове некаторыя
фразеалагізмы. Арыгінальна, падобнага ў літаратуры не заўважаў.
Антось.
-- З цікавасцю прачытаў не толькі аповесць, але і
мастацкія гіпотэзы “Як узніклі фразеалагізмы”.
Іван.
-- Мне спадабаліся ўсе творы, змешчаныя ў кнізе, у тым
ліку і вершы. А яны маюць два раздзелы: вершы пра каханне і вершы для роздуму.
Ёсць і арыгінальныя прыпеўкі. Некаторыя з іх я запомніў і, бывае, іншы раз сам
сабе спяваю.
Творчае
заданне
Перад вамі – назвы некаторых раздзелаў з кнігі “Нязваныя
госці”. Падбярыце да іх словы, якія рыфмуюцца з гэтымі назвамі. Калі назва
складаецца з двух альбо трох слоў, падбірайце рыфмаванае слова да апошняга,
паставіўшы яго ў назоўным склоне. Напамінаю: назоўны склон адказвае на пытанні
х т о? ш т о?
1. Хаціна сярод лесу.
2. Навальніца.
3. Чорны знак.
4. Замоўленае слова.
5. Адчай.
6. Прыкутыя да смалістага пня.
7. Варожы атрад.
Адказы (выкарыстоўвайце толькі для кантролю; напісаны ў адваротным парадку і
не супадаюць з размяшчэннем назваў раздзелаў): кат, дапан, зелаз, йачда,
авонса, ацініс, ьнела.
Творы гістарычныя
Нас з продкамі яднаюць,
Як мудрыя настаўнікі,
Нам вочы адкрываюць.
Аляксей Якімовіч
