Гульня “Ад старту да фінішу разам са складаназалежнымі
сказамі з даданымі азначальнымі”
• Каб паспяхова дабрацца да
фінішу, выканайце заданні да тэмы “Складаназалежныя сказы з даднымі азнчальнымі
часткамі”.
• Вось што складаназалежныя
сказы з даданымі азначальнымі часткамі паведамляюць пра сябе:
Адказваем на пытанні
Які? якая? якое? якія?,
Як, напрыклад,
Слова залатыя.
Аляксей Якімовіч.
Успамінаем.
Складаназалежныя сказы складаюцца
з галоўнай і даданай часткі (даданых частак). Даданая частка з галоўнай
звязваецца падпарадкавальнымі злучнікамі і злучальнымі словамі (знаходзяцца ў
даданай частцы).
• Сказы, прапанаваныя для
гульні (уставіўшы прапушчаныя знакі прыпынку, выберыце патрэбны з
прапанаваных).
Складаназалежны сказ з даданай азначанальнай часткай у
сярэдзіне галоўнай
1. Над ляском(,) які мы, вучні,
садзілі разам з дарослымі(,) узнімаўся шэры туман (Аляксей Якімовіч). 2. Крыклівыя сарокі селі на яблыню, якая расла
на нашым агародзе (Аляксей Якімовіч).
Складаназалежны сказ з даданай азначальнай часткай пасля
галоўнай
1. Пасля паўдня распачаўся дождж(,) які шчодра паліў і агароды, і
палі, і лугі (Аляксей Якімовіч). 2. Ніхто
з нас не ведаў, які план склаў Цімох (Аляксей
Якімовіч).
Складаназалежны сказ з даданай азначальнай часткай са
злучальным словам дзе
1. Мы прыйшлі туды, дзе
працавалі нашы аднавяскоўцы (Аляксей
Якімовіч). 2. Павярнуўшы налева, я накіраваўся да той хаты(,) дзе жыў мой
сябар Кастусь (Аляксей Якімовіч).
Складаназалежны сказ з даданай азначальнай часткай са
злучнікам што
1. У музеі мы ўбачылі тое(,)
што нас даўно цікавіла (Аляксей Якімовіч).
2. На днях брат напісаў мне, што каля хаты пасадзіў рабінку (Аляксей Якімовіч).
• Якія словы тут рыфмуюцца?
1. Апошняе слова даданай азначальнай
часткі Маю працу, якая мне падабаецца.
Рыфмуецца з апошнім словам такой жа
часткі Гляджу на дзяўчынку, якая ў..
.
2. Апошняе слова даданай
азначальнай часткі Прыйшлі на тое возера,
дзе нядаўна адпачывалі.
Рыфмуецца з апошнім словам такой жа
часткі Убачылі той калодзеж, дзе ўчора
ваду б.. .
3. Апошняе слова даданай азначальнай
часткі Дастаў тое пісьмо, што мне
прыслалі.
Рыфмуецца з апошнім словам такой жа
часткі Добра запомніў тыя словы, што мне
с.. .
4. Апошняе слова даданай азначальнай
часткі Звярнуўся да людзей, якія нас
сустрэлі.
Рыфмуецца з апошнім словам такой жа часткі Сонца свяціла на дрэвы, якія ўжо п.. .
• Адказы да вершаванага тэксту
(выкарыстоўвайце толькі для кантролю; напісана наадварот апошняе слова сказа):
аццеахімсу, іларб, ілазакс, ілецўажап.
• Адказы да сказаў,
прапанаваных для гульні: 1, 1, 2, 1.
Распрацаваў Аляксей Якімовіч
