Цікавае ў жыцці. Ці
з’яўляецца вада перашкодай для яшчаркі?
Як
вы лічыце: ці можа яшчарка бегчы па вадзе?
Ці
выклікае вада ў яе страх?
Над
гэтымі пытаннямі задумаліся і вучоныя-біёлагі.
Каб даць правільны адказ, яны сталі назіраць за яшчаркай,
якая насяляе лацінаамерыканскую краіну Коста-Рыка? Называецца яна зялёны чубаты
васіліск.
Што ж яны выявілі?
Так, гэта яшчарка, падняўшыся на заднія лапкі, можа бегчы
па вадзе. З якой хуткасцю? Два з паловай метры ў секунду.
Думаю, што гэта няблага.
Многія з нас могуць пазайздросціць такой здольнасці.
У некаторых можа ўзнікнуць пытанне: ці ёсць другое
значэнне ў слова “васіліск”?
Ёсць.
Так называюць казачную пачвару, змея, погляд якога
забівае ўсё жывое.
Заданні для дапытлівых:
1. Колькі літар у слове “яшчарка”? Назавіце іх.
2. А колькі гукаў? Назавіце іх.
3. Назавіце беларускія словы, якія пачынаюцца з літар,
што ўваходзяць у склад слова “яшчарка”. Для гэтага з дапамогай слоўніка ці без
яго перакладзіце рускія словы на нашу, беларускую мову. Вось яны: яблоко, весы, июнь, каблук, изюм, тронуть,
возмущаться.
Адказы (выкарыстоўвайце толькі для кантролю; словы
напісаны наадварот).
1. Мес: я, ш, ч, а, р, к, а.
2. Месов: й′, а, ш, ч, а, р, к, а.
3. Кылбя, ілаш, ьневрэч, сацба, ікнызар, ьцунарк, аццаруба.
Бяжыць яшчарка па вадзе,
Нібыта па мосце.
За ракой жыве сяброўка.
Запрасіла ў госці.
Аляксей Якімовіч.
Якіх часцін мовы найбольш у гэтым вершаваным тэксце: прыназоўнікаў
ці назоўнікаў?
Адказ (выкарыстоўвайце толькі для кантролю; слова
напісана наадварот): ўакінўозан.
