Водгукі чытачоў на маю кнігу “Карп у футры”
Якімовіч, А. М. Карп у футры : дэтэктыўныя апавяданні, вершы, прыпеўкі.
Кніга выдадзена ў выдавецтве “Беларусь”. Для шырокага
кола чытачоў.
Яе можна заказаць у аддзеле
маркетынга выдавецтва.
Звярнуўся да наведвальнікаў блога з просьбай выказаць
свае меркаванні пра маю кнігу “Карп у футры”. Вось якія водгукі яны мне
прыслалі.
Таццяна.
-- Гэту кнігу трэба чытаць не спяшаючыся, удумліва.
Вельмі вострыя праблемы нашага жыцця паднімае ў сваіх апавяданнях аўтар.
Мікола.
-- Мне дужа спадабалася беларуская мова, на якой напісаны
Вашы творы. Яна прыгожая і зразумелая.
Алеся.
-- Як і ў іншых дэтэктыўных творах, якія мне прыходзілася
чытаць, разгадка раскрываецца толькі ў самым канцы. Ёсць тут цікавая інтрыга. А
гэта асабліва захапляе.
Сцяпан.
-- У апавяданях гаворыцца пра маладых людзей – маіх
адналеткаў. Жыццёвыя сітуацыі, у якія трапляюць яны, рэальныя, праўдзівыя.
Марына.
-- Мне спадабаліся не толькі дэтэктыўныя апавяданні, але
і вершы, асабліва тыя, якія змешчаны ў раздзеле “Вершы пра каханне”.
Пятрусь.
-- А мяне надта прывабілі вершы роздуму. Некаторыя з іх
перачытваў некалькі разоў. Думаю, што праз нейкі час зноў вярнуся да іх.
Сямён.
-- Антывірусныя прыпеўкі, змешчаныя ў кнізе, -- гэта тое,
што пакінула драматычна-трагічны след у нашым нядаўнім жыцці. Добра, што яны
напісаны з гумарам, з усмешкай.
Творчае
заданне
Перад вамі – назвы некаторых апавяданняў з кнігі “Карп у
футры”. Падбярыце да іх словы, якія рыфмуюцца з гэтымі назвамі. Калі назва
складаецца з двух альбо трох слоў, падбірайце рыфмаванае слова да апошняга, паставіўшы
яго ў назоўным склоне. Напамінаю: назоўны склон адказвае на пытанні х т о? ш т
о?
1. Бычок.
2. Скарб.
3. Тысяча даляраў.
4. Тэлефонны званок.
5. Наводчык.
6. Неразумныя людзі.
7. Пажар.
Адказы (выкарыстоўвайце толькі для кантролю; напісаны ў адваротным парадку і
не супадаюць з размяшчэннем назваў апавяданняў): ырам, ратінас, кочурк, прак,
корук, іздург, кычтёл.
Дэтэктыў у руках трымаю.
Яго
аўтар напісаў,
Свае
думкі і пачуцці
У ім
яскрава перадаў.
Аляксей Якімовіч
