Вывучаем родны край. Гомельшчына-3
Адгадайце назвы гарадоў – раённых цэнтраў Гомельшчыны.
Для даведкі.
1. У назве гэтага
горада:
а) тры зычныя літары і дзве галосныя;
б) два склады;
в) заканчваецца на
першую літару алфавіта;
г) рыфмуецца
са словам “сама”;
д) з яго літар можна
пабудаваць слова “мара”;
е) як назоўнік,
адносіцца да жаночага роду, яго можна замяніць словам “яна”;
ё) першая літара такая
ж, як і ў мужчынскім імені: ..астусь.
• Устаўце яе замест
кропак.
Яго герб. Карма
2. У назве гэтага
горада:
а) чатыры зычныя літары (мяккасць адной з іх абазначаецца мяккім знакам) і тры галосныя;
б) тры склады;
в) заканчваецца на
дваццаць восьмую літару алфавіта;
г) першая
зычная і другая шостая галосныя
паўтараюцца два разы;
д) з яго літар можна
пабудаваць слова “лыч”;
е) як назоўнік, ужываецца
толькі ў форме множнага ліку;
ё) першая літара такая
ж, як і ў мужчынскім імені: ..ёня.
• Устаўце яе замест
кропак.
Яго герб. Лельчыцы
3. У назве гэтага
горада:
а) дзве зычныя літары і дзве
галосныя;
б) два склады;
в) заканчваецца на
дваццаць другую літару алфавіта;
г) рыфмуецца са словам
“ноеў”;
д) з яго літар можна
пабудаваць слова “еў”;
е) як назоўнік,
адносіцца да мужчынскага роду, яго можна замяніць словам“ён”;
ё) першая літара такая
ж, як і ў мужчынскім імені: ..ёня.
• Устаўце яе замест
кропак.
Яго герб. Лоеў
4. У назве гэтага
горада:
а) тры зычныя літары і дзве галосныя;
б) два склады;
в) заканчваецца на
васемнаццатую літару алфавіта;
г) рыфмуецца
са словам “козыр”;
д) з яго літар можна
пабудаваць слова “Рым”;
е) як назоўнік, адносіцца
да мужчынскага роду, яго можна замяніць словам “ён”;
ё) першая літара такая
ж, як і ў жаночым імені: ..арыя.
• Устаўце яе замест
кропак.
Яго герб. Мозыр
Адказы: (выкарыстоўвайце толькі для кантролю; словы напісаны з малой літары,
наадварот; іх парадак зменены): ўеол, рызом, амрак, ыцычьлел.
Залатое слова майго роду: мурзаты – брудны, той,
хто не памыўся.
Аднакаранёвыя словы: мурза,
мурзіла, мурзацца, мурзаць.
