Сінонімы са словамі валасы,
варта
Помніце! Сінонімамі з’яўляюцца словы,
аднолькавыя або блізкія па значэнні.
•
Звярніце ўвагу на тое, як пішуцца словы: валасы, варта.
•
Да якой часціны мовы адносяцца словы валасы, варта?
Д л я д а в е д к і: адказваюць на пытанне ш т о?
•
Вызначце дзве асобныя групы сінонімаў (адно слова тут
“лішняе”). Яны маюць розныя значэнні.
Чупрына, ахова, чуб,
локаны, кудзеркі, канвой, дазор, космы, кудлы, патруль, воін, каўтуны, грыва,
віхор, пікет.
Эксперт Змітрок.
-- Да першай групы, як
мне здаецца, адносяцца сінонімы чупрына,
чуб, локаны, кудзеркі, космы, каўтуны, грыва, віхор.
Эксперт Алеся.
-- Згодна са Змітраком.
Да іх можна падабраць сінонім валасы.
•
Які сінонім з гэтай групы не назваў Змітрок?
Эксперт Насця.
-- Сінонімы ахова, канвой, патруль, пікет, так лічу,
складаюць другую групу сінонімаў.
Эксперт Міхась.
-- Згодзен з Насцяй. Да
іх можна падабраць сінонім варта.
•
Які сінонім з гэтай групы не назвала Насця?
•
А як лічыце Вы, нашы шаноўныя чытачы?
•
Прачытайце. Выберыце з дужак патрэбны сінонім.
1. Сымон пастрыгся,
пакінуўшы на галаве толькі (чуб, локаны).
2. “Пастрыжыся! Вунь якія (каўтуны, космы) на галаве выраслі!” –
паўшчуваў Сымона бацька. 3. Арыштаванага
суправаджаў (канвой, пост). 4. (Пікет, патруль) спыніў вайскоўца, каб праверыць
у яго дакументы.
•
Ці з’яўляюцца сінонімамі словы власы і кучары, варта і пост?
Як вы лічыце?
Выкарыстоўвайце толькі для кантролю, каб праверыць сябе
Д л я
д а в е д к і (словы-адказы напісаны наадварот).
Гэта ікінўозан;
“лішняе” слова ніов (не з’яўляецца
сінонімам); не названыя сінонімы: ылдук, розад;
1 – буч, 2 – ымсок, 3 -- йовнак; 4 -- ьлуртап; аццюялўя’з.
Распрацаваў Аляксей Якімовіч
