Цікавае ў жыцці. Вавёрка
лянівая ці нелянівая?
Як
вы лічыце: вывёрка лянівая ці нелянівая?
Які
лад жыцця яна вядзе: рухавы ці нерухавы?
Над
гэтымі пытаннямі задумаліся і вучоныя-біёлагі.
Каб даць правільны адказ, яны правялі эксперымент. З
дапамогай спецыяльных прыбораў-самапісцаў дзень і ноч назіралі за лясной
вавёркай.
Што ж яны выявілі?
“Вавёрка – сапраўдная дамаседка”, -- вось да такой
высновы неўзабаве прыйшлі яны.
Летам, так паказалі прыборы, яна амаль чатырнаццаць
гадзін знаходзіцца (звычайна ляжыць) у сваім гняздзе, а зімою – дваццаць дзве
гадзіны.
Скажу шчыра: не верыцца.
Заданні для дапытлівых:
1. Колькі літар у слове “вавёрка”? Назавіце іх.
2. А колькі гукаў? Назавіце іх.
3. Назавіце беларускія словы, якія пачынаюцца з літар,
што ўваходзяць у склад слова “вавёрка”. Для гэтага з дапамогай слоўніка ці без
яго перакладзіце рускія словы на нашу, беларускую мову. Вось яны: вес, статья, очень,
вместимость, разговор, точка,
обработать.
Адказы (выкарыстоўвайце толькі для кантролю; словы
напісаны наадварот).
1. Мес: в, а, в, ё, р, к, а.
2. Мес: в, а, в′, о, р, к, а.
3. Агав, лукытра, імьлев, ьцсатсімё, авомзар, акпорк, ьцавацарпа.
Мяцеліца ўсхадзілася,
Вые, завывае.
А рыжая вавёрка
У дупле адпачывае.
Аляксей Якімовіч.
Якіх часцін мовы найбольш у гэтым вершаваным тэксце:
назоўнікаў ці дзеясловаў?
Адказ (выкарыстоўвайце толькі для кантролю; слова
напісана наадварот): ўаволсяезд.
