Тэст (назоўнікі, якія маюць
форму толькі адзіночнага ці толькі множнага ліку)
Казка
-- Я нядаўна склаў прыгожы сказ! --
сустрэўшыся з коцікам Паласацікам, пахваліўся сабачка Жучок.
-- Ну! -- навастрыў вушы Паласацік.
Жучок гучна кашлянуў, прачышчаючы горла,
і прамовіў:
-- Моладзь радуюцца жыццю.
Нахмурыўся Паласацік.
-- Трэба казаць радуецца, а не радуюцца.
-- Моладзь -- іх жа многа! А радуецца
-- адзін, -- не пагадзіўся, стаў тлумачыць Жучок.
Паласацік варухнуў тонкімі белымі
вусамі.
-- Канешне, большасць назоўнікаў
маюць адзіночны і множны лік. Але некаторыя назоўнікі ўпарцяцца, адмаўляюцца
змяняцца па ліках. Учора мы з табою садзілі гарох. Давай палічым: адзін, два,
тры... сем гарох ці сем гарохаў?
-- Выходзіць, ёсць назоўнікі, якія
ўжываюцца або толькі ў адзіночным, або толькі ў множным ліку? Так? -- запытаўся
Жучок.
-- Так, -- адказаў Паласацік.
А
• Назавіце назоўнікі, якія маюць толькі форму
адзіночнага ліку:
1) бензін;
2) рукапіс;
3) цэмент.
Б
• Назавіце назоўнікі,
якія маюць толькі форму множнага ліку:
1) запалкі;
2) канікулы;
3) дровы.
В
• Назавіце назоўнікі, якія
маюць формы і адзіночнага, і множнага ліку:
1) вішні;
2) сцяжынкі;
3) золата.
Адказы.
А-1, 3.
Б- 2, 3.
В- 1, 2.
Каб падрыхтавацца
да тэмы “Назоўнікі, якія маюць форму толькі адзіночнага ці толькі множнага
ліку”, вам трэба навучыцца падбіраць адпаведныя назоўнікі.