Для цікаўных. Вясна-сяброўка
Нагадаем! Эпітэт – гэта мастацкае азначэнне.
Ён звычайна адказвае на пытанне прыметніка: я
к і ? Напрыклад: брыльянцістая раса. Эпітэт брыльянцістая.
Эпітэтамі могуць быць
прыдаткі – азначэнні, выражаныя назоўнікамі. З азначаемым словам яны стаяць у
тым жа родзе, ліку і склоне. Напрыклад: дуб-велікан. Эпітэт велікан.
Пытанне задае Максім.
-- У спалучэнні вясна-сяброўка выкарыстаны эпітэт сяброўка, які стварае малюнак вясны. Якой вы ўяўляеце гэту вясну?
Эксперт Іна.
-- Лічу, што гэта прыгожая вясна, уся ў
квецені, натхнёная, радасная, як і мая сяброўка, якая стварае вакол сябе добры
настрой.
Эксперт Аляксей.
-- Сяброўка, як і кожны чалавек, не можа
быць пастаянна радаснай, шчаслівай, натхнёнай. У яе бываюць і хвіліны няўдач, разачаравання.
Так і ў гэтай вясны. Яна розная. І цёплая, сонечная, і з неспадзяваным
пахаладаннем, нават з з замаразкамі, якія могуць загубіць тыя кветкі, якія
ўпрыгожваюць наш сад.
• У цябе, наш чытач, ёсць іншая думка? Якая яна?
• Прачытаем вершаваныя радкі.
Птушкі гаспадарць.
У нас вясна-сяброўка.
Крыльцы распрамляе
Божая кароўка.
Аляксей Якімовіч.
Промні-залацінкі
Пытанне задае Максім.
-- У спалучэнні промні-залацінкі выкарыстаны эпітэт залацінкі, які паказвае нам, якімі могуць быць вясною промні. Якімі
вы ўяўляеце іх?
Эксперт Іна.
-- Промні ласкавыя, добрыя, якія
прыносяць нам сапраўднае задавальненне, як і тыя кавалачкі, часцінкі золата,
якія маем мы.
Эксперт Аляксей.
-- Так, сонечныя праменні падобныя да
золата. Яны дарагія нам, мы цэнім іх, як і ўсю непаўторную вясеннюю прыроду.
• У цябе, наш чытач, ёсць іншая думка? Якая яна?
• Прачытаем вершаваныя радкі.
Зямлю прамачылі
Буйныя дажджынкі.
Цяпер яе грэюць
Промні-залацінкі.
Аляксей Якімовіч