Гэты дзіўны беларускі свет. Ветразь

 

                             Гэты дзіўны беларускі  свет. Ветразь.                   

          

Калі чую слова “ветразь”, то…

бачу, як па морах, па акіянах плывуць караблі з рознакаляровымі ветразямі. На хвілінку пераношуся ў той цікавы, незвычайны час і ўяўляю, што таксама знаходжуся на тым даўнім караблі. Побач мае спадарожнікі, якія не баяцца салёных мораў і акіянаў. Разам з імі я плыву ў далёкую краіну, дзе нас неўзабаве сустрэнуць яе гасцінныя жыхары.

• Што ўяўляеце Вы, калі чуеце слова “ветразь”?

 

Ветразь.

1. Змяніце форму слова, каб праверыць напісанне зычнай літары з у слове “ветразь”.

2. Складзіце словазлучэнне са словам “ветразь”, выкарыстаўшы галоўнае і залежнае словы.

Помніце! Ад галоўнага слова да залежнага можна паставіць пытанне.

3. Складзіце сказ, выкарыстаўшы наступныя словы: З, зрабіў, я, кары, караблік, і, невялікі, яго, да, ветразь, прымацаваў, белы.                      

4. Ветразь надзеі.

• Ці правільным будзе такое тлумачэнне?

5.

                                                        Чайкі кружацца над морам.

                                                        Вецер ветразь надзімае.

                                                        У край нязведаны, далёкі

                                                        Мой караблік адплывае.

                                                                        Аляксей Якімовіч.

• Падбярыце блізкае па значэнні слова да дзеяслова адплывае.

Чайка – гэта:

а) дзяўчына, якая любіць чай;

б) птушка;

в) драўляная самаробная лодка.

• Выберыце патрэбнае.

 

Скорагаворка.

Вецер-ветрагон надзімае вялікі ветразь.

• Паспрабуйце паўтарыць хутка і выразна.

 

Беларускі свет – гэта:

а) словы беларускай мовы;

б) беларускія народныя песні;

в) песні народаў свету;

г) эстрадныя песні на беларускай мове;

д) эстрадныя песні на мовах народаў свету;

е) мастацкая літаратура на беларускай мове;

ё) мастацкая літаратура на мовах народаў свету;

ж) установы адукацыі на беларускай мове;

з) установы адукацыі на мовах народаў свету;

і) праўдзівая гісторыя краіны;

к) гісторыя краіны;

л) афармленне на вуліцах і ў будынках на беларускай мове;

м) афармленне на вуліцах і ў будынках на мовах народаў свету;

н) маліцца на беларускай мове;

о) маліцца на мовах народаў свету.

• Выберыце тое, што адпавядае Вашаму разуменню.

 

                                                        Словы беларускія,

                                                        Я да вас тулюся,

                                                        Размаўляю з вамі,

                                                        Думкамі дзялюся.

 

                                                         Словы беларускія,

                                                         Продкі вас стваралі,

                                                         Каб у кожнай хаце

                                                         Прыгожа гучалі.

 

                                                         Стваралі нашы продкі,

                                                         Людзі не чужыя.

                                                         Словы разляталіся,

                                                         Як птушачкі жывыя.

 

                                                         Нашы прабабулькі

                                                         Песні з іх складалі.

                                                         На вячорках разам

                                                         Ад душы спявалі.

                                                              Аляксей Якімовіч.

 

Адказы (выкарыстоўвайце толькі для кантролю; словы напісаны наадварот).                                                                                            

1 Ізартев. 2. Ьзартев ыноврыч. 4. Кат. 5. Аццеялўарпда.

5б; 5в.