Для цікаўных. Лета-красаванне
Нагадаем! Эпітэт – гэта мастацкае азначэнне.
Ён звычайна адказвае на пытанне прыметніка: я
к і ? Напрыклад: брыльянцістая раса. Эпітэт брыльянцістая.
Эпітэтамі могуць быць
прыдаткі – азначэнні, выражаныя назоўнікамі. З азначаемым словам яны стаяць у
тым жа родзе, ліку і склоне. Напрыклад: дуб-велікан. Эпітэт велікан.
Пытанне задае Максім.
-- У спалучэнні лета-красаванне выкарыстаны эпітэт красаванне, які стварае малюнак лета. Якім вы ўяўляеце гэта лета?
Эксперт Іна.
-- Лета набрала сілу, разгон. Усё
навокал зелянее, красуе. Прырода пказвае сваю моц і на полі, і на лузе, і ў
лесе.
Эксперт Аляксей.
-- Думаю, што такое лета незасушлівае.
Часта ідуць цёплыя дажджы з перунамі, бліскавіцамі. На дварэ цяплынь. У такі
час днём добра пакупацца ў рацэ, на возеры альбо раніцай пасядзець з вудачкай
на беразе той жа самай ракі ці таго ж самага возера.
• У цябе, наш чытач, ёсць іншая думка? Якая яна?
• Прачытаем вершаваныя радкі.
Выйдзі з хаты летам
Рана, на світанні.
Ты тады пабачыш
Яго красаванне.
Аляксей Якімовіч.
Зоркі-знічкі
Пытанне задае Максім.
-- У спалучэнні зоркі-знічкі выкарыстаны эпітэт знічкі,
які паказвае нам зорнае неба. Якімі вы ўяўляеце іх?
Эксперт Іна.
-- Летні час. Невялікая вёсачка на
беразе ракі. Вакол ціха, ні душы. А на небе рассыпаліся зоркі. Іх шмат, не
злічыць. Яны глядзяць на нас з вышыні, ахоўваюць наш сон.
Эксперт Аляксей.
-- Эпітэт знічкі паказвае, што зоркі знікаюць, але не на зусім. Амаль кожную
ноч яны зноў з’яўляюцца на небе як напамінак пра жыццё, якое было і будзе. Іншы
раз мы стаім і глядзім на іх, стараючыся адшукаць сваю зорку шчасця.
• У цябе, наш чытач, ёсць іншая думка? Якая яна?
• Прачытаем вершаваныя радкі.
Прачнулася сонца,
Выплыла з-за горкі.
У хаткі пахаваліся,
Зніклі з неба зоркі.
Аляксей Якімовіч
