Парады. Як паменьшыць кіслотнасць жалудка
• Якую шкоду прыносіць празмерная
выпрацоўка салянай кіслаты?
Празмерная выпрацоўка салянай кіслаты парушае механізмы
яе нейтралізацыі і прыводзіць да развіцця кіслотазалежных захворванняў органаў
стрававання.
Выказванне
Благому жывату і пірог шкодзіць (З народнага.)
Парада,
якая не патрабуе выдаткаў
Вядзіце здаровы лад жыцця, не курыце, не злоўжывайце
алкаголем, правільна харчуйцеся.
Народныя
сродкі
• Ці можна
супакоіць боль у жалудку, калі з’есці яблык?
Многім людзям з павышанай кіслотнасцю гэта дапамагае, але
няма доказаў таго, што яблыкі паніжаюць ксілотнасць.
• А ці
можна піць чай з фенхеля?
Трэба піць такі чай. Для гэтага вазьміце чайную лыжку
насення фенхеля, растаўчыце іх і заліце шклянкай кіпячонай вады. Дабавіўшы
крыху мёду (па смаку), выпівайце па 2 – 3 кубачка ў дзень прыкладна за 20
хвілін да ежы. Фенхель (аптэчны кроп) супакойвае жалудак і паніжае ўзровень
кіслотнасці.
• Што можна
есці пры павышанай кіслотнасці?
Аўсянку, геркулес, лёгкі суп, кісель з ягадаў і фруктаў,
нятлустае мяса, рыбу, малочныя і кісламалочныя прадукты.
Помніце! Перш чым пачаць лячэнне, трэба звярнуцца да лекара.
Вершаваныя
радкі
Было мала дактароў.
А
народ лячыўся.
Ён з прыродаю тады
Моцна падружыўся.
Аляксей Якімовіч
Заданні
для моваведаў
1. Да слова “вераломны” падбярыце блізкі па значэнні
прыметнік, які пачынаецца з зычнай літары к.
2. Да слова “скупы” падбярыце блізкі па значэнні
прыметнік, які пачынаецца з зычнай літары с.
3. Да слова “маёмасць” падбярыце блізкі па значэнні
назоўнік, які пачынаецца з зычнай літары н.
4. Да слова “квітанцыя” падбярыце блізкі па значэнні
назоўнік, які пачынаецца з зычнай літары “ц”.
• Выкарыстаўшы
літары т, і, а, можаце прадоўжыць гэта заданне.
Адказы: (выкарыстоўвайце толькі для кантролю; словы напісаны наадварот). 1:
ынравак. 2: ынпавкс. 3: катыбан. 4: кілтэц.
