Парады. Адвары з цыбулі і палыну як сродак барацьбы са
шкоднікамі ў садзе і агародзе
Выказванне
Як пастараўся, так і пажывіўся. (З народнага.)
Парада,
якая не патрабуе выдаткаў
Развесьце пучкі свежага палыну на
дрэвах, калі пачынае лятаць пладажэрка. Яна баіцца паху палыну.
Вядома, што раней у вёсках свежы палын
клалі на падлозе, каб адагнаць блох, клапоў, тараканаў, а арлы прыносяць у свае
гнёзды палын, каб пазбавіцца ад кляшчоў і блох.
Народныя
сродкі
• Якое
шалупінне цыбулі для барацьбы са шкоднымі насякомымі трэба выкарыстоўваць?
Сухое.
• Яго
даводзяць да кіпення?
Кіпяцяць трыццаць хвілін.
• Якую
колькасць?
200 грамаў сухога шалупіння заліваюць цёплаю вадою і
пасля таго, як адвараць, настойваюць 8 – 10 гадзін.
• Якія
шкоднікі не пераносяць такога адвару?
Вусені, трыпсы, тля, павуцінавы клешч.
• А ці
дапамагае адвар шалупіння цыбулі змагацца з хваробамі раслін?
Такі адвар утрымлівае фітанцыды. Яны знішчаюць мучністую
расу, каранёвую гніль і фітафтарозу.
• А ці
выкарыстоўваюць для барацьбы са шкоднікамі адвар палыну?
Канешне, выкарыстоўваюць.
• Якім
чынам?
Вазьміце 3 кілаграмы нарэзанага сырога палыну горкага,
заліце халоднай вадой і, настаяўшы суткі, кіпяціце на працягу 30 хвілін.
• На якіх
шкоднікаў ён дзейнічае?
На вусеняў, пладажэрку, тлю і капусную муху.
Помніце! Растворы для барацьбы са шкоднымі насякомымі трэба выкарыстоўваць у
сухое, бязветранае надвор’е.
Вершаваныя
радкі
Шалупінне цыбулі
Нам вельмі спрыяе:
Госцейкаў нядобрых
У сад не
пускае.
Аляксей Якімовіч
Заданні
для моваведаў
1. Да слова “прыкра”
падбярыце блізкае па значэнні прыслоўе, якое пачынаецца з зычнай літары н.
2. Да слова “прызванне” падбярыце блізкі па значэнні
назоўнік, які пачынаецца з зычнай літары с.
3. Да слова “прынука”
падбярыце блізкі па значэнні назоўнік, які пачынаецца з зычнай літары п.
4. Да слова “прыпар”
падбярыце блізкі па значэнні назоўнік, які пачынаецца з галоснай літары д.
• Выкарыстаўшы
іншыя літары, можаце прадоўжыць гэта заданне.
Адказы: (выкарыстоўвайце толькі для кантролю; словы напісаны наадварот). 1:
анмеырпен. 2: ьцсаньліхс. 3: сумырп. 4: атахуд.
