Тэст (лексічнае значэнне слова)
Казка
Выйшаў кот Паласацік на двор і
бачыць: сабака Жучок сядзіць на лавачцы і касматай лапкай старанна слёзкі
выцірае.
-- Хто цябе пакрыўдзіў, братка? --
усклікнуў Паласацік.
Убачыўшы коціка, Жучок мацней
заплакаў.
-- Пчала пакрыўдзіла! Я за ёю бегаў, бегаў,
даганяў, даганяў, а яна гудзела, гудзела, кружылася, кружылася, а затым
апусцілася і ў правую лапку ўджаліла.
-- Напэўна, моцна баліць табе лапка!
-- паспачуваў Паласацік.
-- Яшчэ як! -- сабачка ўстаў з
лавачкі і прайшоўся, кульгаючы, каб паказаць суседу, як пацярпеў ён ад пчалы.
-- Джала ты выцягнуў? -- запытаўся
Паласацік.
-- Ыгы! -- усхліпнуў Жучок. --
Зубкамі выцягнуў.
-- Дык не плач. Калі будзеш плакаць,
цябе будуць называць...
Коцік замаўчаў. Яму не хацелася крыўдзіць
сябра, вымаўляць абразлівае слова.
-- Як будуць мяне называць? --
вырашыў удакладніць Жучок. Уважліва глядзіць на Паласаціка, з нецярпеннем
адказу чакае. Ён ведаў, што кожнае слова мае пэўнае лексічнае значэнне.
Паласацік
цяжка ўздыхнуў.
-- Плаксам цябе будуць называць.
Жучок тупнуў правай лапкай і ўсміхнуўся.
-- А мне ўжо не баліць!
А
• Вызначыўшы лексічнае значэнне слоў, адзначце
патрэбнае.
1) Сродак стварэння
моцнага ўражання;
2) музычны твор,
які з’яўляецца арыгінальным спалучэннем асобных частак;
3) практыкаванне ў
музычнай, тэатральнай, шахматнай тэхніцы:
а) кампазіцыя;
б) эцюд.
Б
• Падбярыце слова, якое ўказвае на род прадметаў,
з'яў. Якое слова ў кожным радзе "лішняе"?
а)
----------------------------------- кот,
воўк, бусел, мядзведзь;
б)
----------------------------------- ліса, карова, каза, конь;
в)
----------------------------------- патэльня, кубак, ложак, шклянка.
Адказы.
А-2 а. (Сыграць кампазіцыю.)
А-3 б. (Рашыць шахматны эцюд.)
Для даведкі.
Сродак стварэння моцнага ўражання – эфект. (Шумавы
эфект.)
[1, стар. 143, 394, “Слоўнік іншамоўных слоў”]
Б. “Лішнія” словы:
бусел, ліса, ложак.
Каб падрыхтавацца
да тэмы “Лексічнае значэнне слова”, вам трэба навучыцца даваць адказы на
змешчаныя ніжэй пытанні.
• Якое значэнне слова называецца лексічным?
• Якія спосабы тлумачэння лексічнага значэння слова
вы ведаеце?
Выкарыстаная літаратура
1. Булыка, А. М.
Слоўнік іншамоўных слоў. / А. М. Булыка, Мінск : Нар. асвета, 1993. – 398 с.
