Адкіньце непатрэбнае.
Сяброўства і…
Ёсць розныя рысы чалавечага характару. Людзі па-рознаму
адносяцца да іх, некаторыя нават не заўважаюць, лічаць нормай свайго жыцця. А
ці так гэта? Давайце падумаем, паразважаем, выконваючы некаторыя заданні.
• Прачытайце,
якія могуць быць рысы нашага характару.
1. Сяброўства.
2. Адвага.
3. Бестурботнасць.
4. Безгаспадарчасць.
5. Спагадлівасць.
6. Удзячнасць.
7. Свавольства.
• Прачытайце
народныя прыказкі і прымаўкі. Якой рысе характару, з прыведзеных вышэй,
адпавядае кожная з іх? Як вы лічыце?
А). Абы дзень да вечара.
Б). І сабака за дабро ўмее адгадзіць.
В). І службу служы, і сябру дапамажы.
Г). Адважны не баіцца няўдачы.
Д). Усяго накупілі – і ў кучу звалілі.
Е). Сваволя да дабра не даводзіць.
Ё). Шчыраму сэрцу і чужая болька баліць [1, стар. 89, 95,
126, 276, 285, 287].
• Адкіньце
тыя рысы характару, тыя заганы (кепскае),
якія, на вашу думку, перашкаджаюць вам жыць. Пазбаўцеся ад іх.
Пазбаўляйся ад заган,
Не
насі ў душы сваёй.
Няхай вас яны пакінуць,
У акіян плывуць з вадой.
Аляксей Якімовіч.
Скорагаворка
Сваволя да дабра не даводзіць (Аляксей
Якімовіч).
• Паспрабуйце паўтарыць хутка і
выразна.
• Падбярыце
блізкія па значэнні словы да назоўніка сваволя,
да дзеяслова адгадзіць.
Адказы (выкарыстоўвайце толькі для кантролю; словы напісаны наадварот): 3А, 6Б, 1В, 2Г, 4Д, 5Ё, 7Е.
Автснямхулсапен;
гўод ьцунряв, ьцыжулсда.
Выкарыстаная
літаратура
1. Беларускія прыказкі, прымаўкі,
фразеалагізмы / склаў Ф. Янкоўскі. – 2-е
выд., дап. -- Мінск : Выд-ва АН БССР, 1962. – 556 с.
