Кепскі настрой
Скардзіцца Андрэй.
-- Часта прыходзіць кепскі настрой.
Ствараецца ўражанне, што не з той нагі ўстаю. Хаджу незадаволены, раздражнёны,
іншы раз не хочацца глядзець на людзей. Яны здаюцца такімі ж змрочнымі і
невясёлымі, як і я.
Так жыць і далей, змірыцца з гэтым? Як
вы лічыце?
• Як Вы, нашы эксперты, ацэньваеце гэту сітуацыю?
• Што зрабілі б у дадзеным выпадку?
Эксперт Антось.
-- Табе, Андрэй, трэба закахацца.
Каханне паднімае настрой, акрыляе. Неяк назіраў, як мая каханая на базары
купляла агародніну. Яна не проста бегала ад прылаўка да прылаўка, а лятала, як
лятае матылёк. Я глядзеў на яе і здзіўляўся. Упершыню бачыў такое.
Эксперт Ніна.
-- Андрэй, менавіта ты стваральнік
свайго настрою. Табе не падабаюцца людзі? Яны, лічыш, усе нядобрыя? Але ж гэта
не так. Людзі бываюць розныя, як дрэвы ў лесе. У кожнага свой характар, свой
погляд на жыццё. Дзякаваць Богу, сярод нас нямала добрых людзей. Андрэй,
расплюшчы вочы і ўважліва паглядзі на іх, паднімі сабе настрой.
Эксперт Маруся.
-- Адганяй кепскія думкі, Андрэй,
пазбаўляйся ад іх, як ад непатрэбшчыны. Сябруй толькі са светлымі. Няхай яны
паднімаюць твой сапсаваны настрой.
Эксперт Піліп.
-- Лічу, што Андрэя нешта пастаянна
трывожыць, непакоіць. Магчыма, гэта трывога звязана з яго працай. Магчыма, там
яго не любяць, прыніжаюць. У такім выпадку яму трэба знайсці іншае месца працы,
сваё месца ў жыцці.
Эксперт Антось.
-- Трэба жыць як набяжыць. Не
загружайся, Андрэй. Інакш калісьці не зможаш пацягнуць зацяжкі груз, знясілішся
і ўпадзеш.
• А як да гэтай сітуацыі адносіцеся Вы, нашы чытачы?
