Планы, мары выпускнікоў
• Вы закончылі школу. Ці збыліся
вашы планы, мары?
• Што трэба зрабіць сённяшнім дзесяцікласнікам, каб здзейсніліся іх планы?
Вось
такія пытанні я задаў былым выпускнікам і вось што яны сказалі.
Юля,
выпускніца 2005 года.
--
Планы, мары збыліся. Цяпер я дырэктар магазіна. У мяне ёсць сям’я. Мы
пабудавалі дом, купілі машыну. Трэба працаваць, мацаваць сям’ю і свой дабрабыт.
Што
трэба зрабіць сённяшнім дзесяцікласнікам? Няхай з мяне бяруць прыклад.
Валерыя,
выпускніца 2016 года.
--
У мяне не было ніякіх планаў. Закончыла школу і пайшла вучыцца на прадаўца.
Неяк само сабою так атрымалася.
Сённяшнім
дзесяцікласнікам сказала б прыкладна так: “Калі вы жывяце ў раённым гарадку,
уцякайце ў вялікі горад: у сталічны або абласны. У маленькім гарадку без
падтрымкі вам будзе цяжка. Тут праблемы з працай і маленькія зарплаты”.
Ніна,
выпускніца 2018 года.
--
Былі планы, былі мары. Некаторыя з іх збыліся. Добра, калі ёсць уплывовыя
бацькі. З імі лягчэй жыць, лягчэй рухацца ўперад. Надзейны тыл заўсёды
прыбаўляе ўпэўненасці.
У
час вучобы ў школе плануйце, як вам жыць далей, загадзя падумайце, якую
прафесію выбераце, дзе будзеце вучыцца. І аснову той, будучай вучобы
закладвайце ўжо ў школе.
Мікола,
выпускнік 1967 года.
--
Гады ідуць. Ці задаволены сваім жыццём? Скажу шчыра: не вельмі. Нямала зрабіў
памылак, якія перашкодзілі здзейсніць намечаныя планы. За ўсё, як гаворыцца,
прыходзіцца плаціць.
Сённяшнім
выпускнікам параіў бы адно: будзьце ўважлівыя, не дапускайце памылак. Некаторыя
з іх вельмі балюча джаляць не толькі вас, але і вашых блізкіх.
Галя,
выпускніца 2012 года.
--
Планы былі. Шмат працавала ў школе, старанна вучылася. Гэта дапамагло ў
далейшым жыцці. Нешта ўжо ўдалося зрабіць. Але на гэтым я не спынілася. Стараюся
ажыццявіць тое, што задумваецца.
Некаторым
старшакласнікам здаецца, што жыццё – гэта цячэнне ракі, якое заўсёды нясе цябе
ў патрэбным накірунку. А гэта не так. Цячэнне можа выкінуць і на бераг, дзе
будзе цяжка, адзінока. Таму рыхтуйцеся пераадольваць цяжкасці, вучыцеся плыць і
супраць цячэння.
• А як адказалі б на пастаўленыя
пытанні Вы, нашы чытачы?
Падрыхтаваў Аляксей Якімовіч