І жартам, і ўсур’ёз. Альтанка
• Як вы лічыце?
Альтанка
– гэта …
1)
зброя танка;
2)
сховішча, укрыццё для танка;
3)
галасістая птушка;
4)
жанчына лёгкіх паводзінаў;
5)
лёгкі летні будынак у садзе для адпачынку;
6)
доўгая вуліца;
7)
спявачка з нізкім голасам;
8)
музычны інструмент;
9)
прыбор для вымярэння;
10)
бягуння на доўгія дыстанцыі.
[1, с. 28]
Падказка.
Дадзена
ключавое слова з указаных тлумачэнняў, напісанае наадварот: каныдуб.
Паразважаем.
• Што ці каго вам нагадвае слова альтанка?
• Якое новае беларускае слова
можна скласці з літар, што ўваходзяць у слова альтанка?
А
калі дабавіць яшчэ адну літару?
• Запішыце назоўнік альтанка ў давальным і творным склоне,
паставіўшы да яго пытанні чаму? чым?.
• Які сказ можна скласці,
выкарыстаўшы слова альтанка?
Скорагаворка.
Артыст
у альтанцы іграў на альце.
Выкарыстаная літаратура
1. Баханькоў, А. Я.
Тлумачальны слоўнік беларускай мовы: для сярэдняй школы / А. Я. Баханькоў, І.
М. Гайдукевіч, П. П. Шуба. – 2-е выд., перапрац. і дап. -- Мінск : Нар. асвета, 1972. – 376 с.
Падрыхтаваў Аляксей Якімовіч