Праверце сваю логіку і інтуіцыю. “Белакрылая птушка”
Логіка
– уменне разважаць і рабіць вывады.
Сінонімы
да слова “інтуіцыя”: чуццё,
прадбачлівасць, здагадка.
У мінскім выдавецтве “Беларусь” выйшла мая кніга
“Белакрылая птушка”, у якой змешчаны дзве аповесці і вершы.
1. Урывак з
аповесці “Белакрылая птушка”.
Зноў
рэзка і патрабавальна прагучаў званок.
Дзяўчынка зірнула ў ваўчок, але на пляцоўцы за дзвярыма
анікога не заўважыла.
Хтосьці чужы звоніць. У таты і мамы ёсць ключы ад
кватэры. Яны не сталі б яе турбаваць, даўно адамкнулі б дзверы.
“Не буду адчыняць, дома мяне няма”, -- вырашыла
старшакласніца і хацела адысціся ад дзвярэй, але працяглы званок прымусіў яе
спыніцца.
--
Хто там? – не вытрывала яна.
--
Галя!.. – данеслася з-за дзвярэй.
Дзяўчынка насцярожылася, нават на дыбачкі прыўстала.
Голас юначы, незнаёмы. Нейкі хлопец заявіўся і звоніць без перапынку,
непакоіць. Што ж гэта найшло на яго?
Гэты ўрывак узяты з
раздзела:
а)
“Каля акна”;
б) “Вовік”.
• З двух варыянтаў выберыце
патрэбны.
2. Урывак з
аповесці “Белакрылая птушка”.
Вовік апусціў галаву і прамовіў ціха, як вучань, які
нашкодзіў любімай настаўніцы:
-- Не праганяй, калі ласка. Скарпіён нядаўна каля вашага
пад’езда мяне пабіў, размаляваў.
“Яго сябрука зваць Скарпіёнам, з ім ён пабіўся” –
здагадалася дзяўчынка.
-- З тым, які ў гарачай пустыні жыве? – прагаварыла з
насмешкаю. Няхай ведае Вовік, што яго сябры яе зусім не цікавяць.
-- І гэты вакол сябе пустыню стварае, -- паківаў
апушчанаю галавою Вовік. – Пашанцавала, што ўцёк ад яго.
“Хоць і размаляваны, але зусім не страшны, стаіць перада
мною прыгнечаны, знябожаны”, -- зірнуўшы на хлопца, падумала Галя і ўжо без
насмешкі вырашыла ўдакладніць:
-- Скарпіён – клікуха бандыта?
Гэты ўрывак узяты з
раздзела:
а)
“Разам у кватэры”;
б) “Нечаканы званок у дзверы”.
• З двух варыянтаў выберыце
патрэбны.
3. Урывак з
аповесці “Белакрылая птушка”.
-- Чаго глядзіш шырока расплюшчанымі вачыма? – як з іншай
планеты, данёсся да хлопца насмешлівы Галін голас.
-- Фотаздымак прыкольны. Відаць, балетам займаешся, --
выказаў здагадку хлопец з Нараставіч.
-- Ёгай. Спецыяльныя практыкаванні вывучыла, --
паведаміла дзяўчынка і ўважліва, як бы вывучаючы, паглядзела на госця. – Не
верыш?
Вовік паціснуў плячыма. Цяпер яму было ўсё роўна, чым
займаецца Галя: ёгай ці балетам. Думкамі ён ужо перанёсся ў родную вёсачку.
-- Паказаць, як займаюся? – прапанавала дзяўчынка.
Хлопец другі раз паціснуў плячыма. Яму не хацелася
крыўдзіць гэту адзінаццацікласніцу, сказаўшы ёй, напрыклад, так: “Не трэба.
Потым пакажаш”.
Галя ўключыла музычныя калонкі. Ціхая, лагодная музыка
загучала ў кватэры.
Гэты ўрывак узяты з
раздзела:
а)
“Каля акна”;
б) “Спецыяльныя практыкаванні”.
• З двух варыянтаў выберыце
патрэбны.
Адказы (выкарыстоўвайце толькі для кантролю; словы напісаны наадварот). 1.
Ківов. 2. Ырэтавк у мазар. 3. Іннавакыткарп яыньляыцепс.
Якімовіч, А. М. Белакрылая
птушка : аповесці, вершы / Аляксей Якімовіч. – Мінск : Беларусь, 2021. – 199
с.
