Праверце сваю логіку і інтуіцыю. “Карп у футры-2”
Логіка
– уменне разважаць і рабіць вывады.
Сінонімы
да слова інтуіцыя: чуццё, прадбачлівасць,
здагадка.
У мінскім выдавецтве “Беларусь” выйшла мая кніга “Карп у
футры”, у
якой
змешчаны дэтэктыўныя апавяданні, вершы, прыпеўкі.
1. Урывак з
апавядання.
У гэты вечар яму не шанцавала. Жанчыны вярталіся дамоў у
кампаніі, а на мужчын Ён баяўся нападаць. Ён хацеў вылаяцца і адправіцца дамоў,
але ўбачыў старую, якая несла ў руках сумку.
-
Дай! - параўняўшыся са старою, загадаў Ён і рукою схапіў сумку.
- Унучак, не забірай. У сумцы таблеткі. Я іх нядаўна ў
аптэцы купіла. Раней мне таблеткі ўнучка купляла, але захварэла яна, - трымаючы
сумку, заплакала бабулька.
- Дай! - са злосцю паўтарыў Ён і, вырваўшы сумку з рук
бабулькі, пусціўся наўцёкі.
Гэты ўрывак узяты з
апавядання:
а) “Рэцэпт”;
б) “Карп у футры”.
• З двух
варыянтаў выберыце патрэбны.
2. Урывак з апавядання.
Васіль
далонню ляпнуў Барыса па мокрым плячы.
-
Барыска, ведай: мы цябе ніколі не пакінем у бядзе.
- Хіба ж мы не сябры? - падтакнуў Мікіта і кінуў каля ног
трубу, якую да гэтага трымаў у руцэ. Труба, іржавая, запаяная з абодвух канцоў,
была сантыметраў трыццаць у даўжыню.
Васіль
кіўнуў галавою, паказаўшы на трубу.
-
Мікіта, дзе ты яе ўзяў?
Мікіта
азірнуўся.
-
Там, унізе. Яе, як відаць, з зямлі вымыла.
- Хлопцы, у дубе дупло! Я яго рукою намацаў, - прагаварыў
Барыс і ступіў убок.
Дупло
было каля самых каранёў дрэва.
Гэты ўрывак узяты з
апавядання:
а) “Рэцэпт”;
б) “Скарб”.
• З двух
варыянтаў выберыце патрэбны.
3. Урывак з апавядання.
Убачыўшы
Міхася, бацька сказаў, як праспяваў:
-
Міхась, а ты выцягнуўся, вырас, узмужнеў!
«Чаму ж ты мяне раней не бачыў? Чаму не пацікавіўся, як
жыву, як вучуся, што ў мяне на душы?» - падумаў Міхась і паглядзеў на маці.
Маці стаяла, згорбіўшыся, быццам пасля пакарання. А бацька ўзяў са стала
каробку цукерак і працягнуў Міхасю.
- Бяры, табе прынёс. Сам пачастуешся і маму пачастуеш.
Міхась стаяў, спадылба пазіраючы на бацьку.
- Сынок, бяры. Цукеркі смачныя, - бацька прыцмокнуў
языком, каб паказаць, якія смачныя ў каробцы цукеркі.
Міхась расціснуў кулак. На далоні, мокрай ад слёз, ляжалі
скамечаныя грашовыя купюры.
- Я сам куплю сабе і маме прысмакаў. У мяне ёсць грошы.
- Сынок, дзе ты ўзяў гэтыя грошы? - усклікнула маці.
Гэты ўрывак узяты з
апавядання:
а) “Скарб”;
б) “Тысяча даляраў”.
• З двух
варыянтаў выберыце патрэбны.
Адказы (выкарыстоўвайце толькі для кантролю; словы напісаны наадварот). 1. Тпэцэр.
2. Бракс. 3 Ўарялад ачясыт.
Якімовіч, А. М. Карп у футры :
апавяданні, вершы, прыпеўкі / Аляксей Якімовіч. – Мінск : Беларусь, 2021. – 167
с.
