Праверце сваю логіку і інтуіцыю. “Карп у футры-4”
Логіка
– уменне разважаць і рабіць вывады.
Сінонімы
да слова інтуіцыя: чуццё, прадбачлівасць,
здагадка.
У мінскім выдавецтве “Беларусь” выйшла мая кніга “Карп у
футры”, у
якой
змешчаны дэтэктыўныя апавяданні, вершы, прыпеўкі.
1. Урывак з
апавядання.
Мерседэс» стаяў у маладым густым ельніку. Сямён узяў
ключы, якія ноччу схаваў пад лапістай елачкай, адчыніў дзверцы, сеў за руль і,
прышпіліўшыся рамянём бяспекі, завёў машыну.
- Во! Працуе як звер! - падняў угору ўказальны палец
Мікіта. Вочы яго гарэлі, а сам ён аж трымцеў ад хвалявання.
Сямён выехаў на палянку.
- Вунь на тую бярозу едзь, -- тыцнуў пальцам Мікіта,
паказаўшы на бярозу, якая ўзвышалася на ўскрайку палянкі.
- Угу, - кіўнуў галавою Сямён. Твар у яго быў што
каменны.
- Давай! Давай! - падахвочваючы Сямёна, Мікіта пабег
побач з «Мерседэсам».
«Мерседэс» з разгону стукнуўся ў чорны ствол бярозы.
Зазвінела, пасыпалася асколкамі шкло з разбітай правай фары.
- Ура-а! - Мікіта падскочыў, нібы малады козлік, і
перакуліўся.
Сямён даў задні ход, а затым ірвануўся ўперад, зноў
накіраваўшы «Мерседэс» на бярозу. На гэты раз разбілася левая фара. Бяроза
закалыхалася, незадаволеная, загудзела голлем.
- Добра ты яго аб бярозу пацалаваў! - гукнуў Мікіта.
Адчыніўшы багажнік, ён дастаў адтуль ломік і стукнуў ім
па заднім шкле.
- Ты зусім здурнеў? - закрычаў Сямён і выскачыў з
«Мерседэса». - Мяне шклом ледзь не параніў.
Гэты ўрывак узяты з
апавядання:
а) “Неразумныя людзі”;
б) “Наводчык”.
• З двух
варыянтаў выберыце патрэбны.
2. Урывак з апавядання.
Ён спыніўся каля невялікай драўлянай хаткі, перад якой
раслі густыя кусты бэзу. Каля плота, пабеленага вапнай, узвышаліся вішні.
Ён паглядзеў на нумар хаты і накіраваўся на падворак. Да
хаты вяла пратаптаная дарожка, роўная, як нітка.
Азірнуўшыся, як злодзей, ён увайшоў у нізенькія сенцы і
ўбачыў дзверы, абабітыя цыратай у шашачкі. Ён стаў, чакаючы, пакуль супакоіцца
дыханне.
- Заходзь, не тапчыся. Я цябе бачу, - з-за абабітых
цыратай дзвярэй пачуўся старэчы голас.
У яго задрыжалі ногі.
- Заходзь! Каму сказала?
Узяўшыся за клямку, ён адчыніў дзверы і зайшоў на кухню.
Ледзь не палову кухні займала вялізная печ, каля якой на доўгай жардзінцы
віселі розныя зёлкі, звязаныя ў пучкі. Каля акна стаяў шырокі дашчаны стол. За
сталом сядзела жанчына гадоў шасцідзесяці. Яе рэдкія чорныя валасы, кранутыя
сівізною, былі акуратна прычэсаныя. На цемечку прасвечвалася лысінка. Прывітанне
ад вядзьмаркі
Гэты ўрывак узяты з
апавядання:
а) “Прывітанне ад вядзьмаркі”;
б) “Неразумныя людзі”.
• З двух
варыянтаў выберыце патрэбны.
3. Урывак з апавядання.
Тэлефон
званіў не пераставаючы.
Бацька штосьці буркнуў, устаў з ложка і па калідорчыку,
не ўключыўшы святло, накіраваўся ў суседні пакой, дзе стаяў тэлефон.
– Марына, наш хлеў гарыць! – неўзабаве пачуўся ягоны
адчайны крык.
Сямён ускочыў з ложка і, апярэдзіўшы маці, пабег па
калідорчыку. Праз акно, што выходзіла ў сад, ён убачыў чырвонае полымя, якое
ўзнімалася над хлявом, імкнучыся да цёмнага бяздоннага неба. У хаце было
светла, амаль як днём.
–
Марына, у пажарную патэлефануй! – гукнуў бацька і пабег на двор.
А
маці разгубілася, глядзіць на Сямёна шырока расплюшчанымі вачыма.
Гэты ўрывак узяты з
апавядання:
а) “Прывітанне ад вядзьмаркі”;
б) “Пажар”.
• З двух
варыянтаў выберыце патрэбны.
Адказы (выкарыстоўвайце толькі для кантролю; словы напісаны наадварот). 1. Іздюл
яынмузарен. 2. Ікрамьздяв да еннатівырп.
3. Ражап.
Якімовіч, А. М. Карп у футры :
апавяданні, вершы, прыпеўкі / Аляксей Якімовіч. – Мінск : Беларусь, 2021. – 167
с.
