Гульня для
дзяцей і дарослых. “Паразважайце, ці звязаны. Хата і…”
Для гульні прапануюцца пэўныя словы. Вы павінны
паразважаць, ці ёсць паміж імі сувязь. Напрыклад: словы “сена”, “карова” і
“граблі” звязаны паміж сабою. Карова есць сена, а граблямі яго грабуць. А
назоўнік печ не звязаны са словам
“сена”. На печы сена не сушаць і туды яго не кладуць.
У вольны час падумайце,
Крыху паразважайце,
Словы беларускія
Старанна падбірайце.
Аляксей Якімовіч.
1. З назоўнікам хата
звязаны наступныя словы:
а) відэлец;
б) комін;
в) чарніцы;
г) ганак;
д) кот;
е) навальніца;
ё) шпалеры;
ж) падлога.
• Выберыце
патрэбныя.
2. Адгадайце, якія словы трэба ўставіць замест
шматкроп’яў.
Рыецца на градцы
Няўрымслівы крот.
З хаты пазірае,
Сварыцца з ім … .
Аляксей Якімовіч.
Іх на фабрыцы зрабілі
З прыгожай паперы.
Мы паклеілі на сцены
Новыя
… .
Аляксей Якімовіч.
У нашай новай хаце
Розных рэчаў многа.
Іх упэўнена трымае
Драўляная … .
Аляксей Якімовіч.
3. Падбярыце сінонімы (блізкія па значэнні словы) да
прыметніка няўрымслівы.
4. Падбярыце блізкае па значэнні слова да дзеяслова пазірае.
5. Падбярыце блізкае па значэнні слова да назоўніка хата.
6. Перакладзіце на рускую мову словы “шпалеры”, “ганак”.
Скорагаворка
Ганна падмятала ганак
(Аляксей Якімовіч).
• Паспрабуйце паўтарыць хутка і
выразна.
Адказы (выкарыстоўвайце толькі для кантролю; словы напісаны наадварот): 1а,
б, г, д, ё, ж.
2. Ток; ырелапш;
аголдап. 3. Ынйокапсен; ывілдесапен. 4.
Ьціздялг. 5. Мод. 6. Иобо;
оцьлырк.
