Тэст (публіцыстычны стыль маўлення)
Казка
-- Братка, растлумач мне, калі ласка,
значэнне слова "публіцыстыка", -- аднаго разу папрасіў коціка
Паласаціка сабачка Жучок.
Задумаўся Паласацік. Нялёгка
растлумачыць лексічнае значэнне слова "публіцыстыка". Невядома, ці
зразумее яго сусед.
-- Растлумачыш? -- з надзеяй
паглядзеў на сябра Жучок.
-- Публіцыстыка -- гэта літаратура па
грамадска-палітычных пытаннях, -- па-вучонаму пачаў Паласацік.
Стаіць Жучок, моргае
бусінкамі-вачыма.
-- Не зразумеў! -- уздыхнуў
Паласацік. -- Ёсць слова "публіка". Чуў такое?
-- Чуў. Публіка -- гэта, гэта...
-- Па-іншаму, гэта людзі, -- падказаў
Паласацік.
-- Цяпер я зразумеў, -- сказаў Жучок.
-- Публіцыстыка адрасавана грамадству, публіцы, людзям.
А
• Назавіце прыметы, якія характарызуюць публіцыстычны стыль.
1. Выкарыстоўваецца ў газетах,
часопісах, выступленнях на радыё, тэлебачанні, сходах.
2. Выкарыстоўваецца ў дакументах.
3. Задача стылю і сфера выкарыстання:
паведамляць навіны культуры, навукі, грамадскага жыцця, пераконваць чытачоў і
слухачоў, уздзейнічаць на іх, фарміраваць пэўныя адносіны да прадмета маўлення.
4. Задача стылю і сфера выкарыстання:
выкарыстоўваецца ў бытавой сферы (у штодзённых зносінах).
5. Жанры стылю: артыкул, рэпартаж, нарыс, адозва, нататка, заклік,
выступленне, віншаванне, ліст, лістоўка, інтэрв'ю, дыспут і інш.
6. Асноўныя прыметы: яркасць,
агульнадаступнасць, лагічнасць, доказнасць, эмацыянальнасць.
7. Асноўныя прыметы: дакладнасць,
доказнасць, адсутнасць эмацыянальнасці.
8. Моўныя сродкі: сумяшчэнне кніжных
і размоўных слоў; выкарыстанне слоў у пераносным значэнні, пытальных і
пабуджальных сказаў, звароткаў.
Б
• Выберыце
правільнае сцвярджэнне.
Публіцыстычны стыль выкарыстоўваецца:
1) у часопісах;
2) у газетах;
3) у распісках.
Адказы.
А-1, 3, 5, 6, 8.
Б-1, 2.
Каб падрыхтавацца
да тэмы “Публіцыстычны стыль маўлення”, вам трэба навучыцца даваць адказ на
змешчаныя ніжэй заданні.
• Назавіце асноўныя рысы, па якіх
вызначаецца публіцыстычны стыль.
• Назавіце
характэрныя асаблівасці віншаванняў і лістоў.
