Поиск по этому блогу

Гульня “Ад старту да фінішу разам з прыслоўем”

 

Гульня “Ад старту да фінішу разам з прыслоўем”

                                                                                      

Каб паспяхова дабрацца да фінішу, з прапанаваных слоў (назоўнікаў, прыметнікаў і прыслоўяў) выбірайце толькі прыслоўі.

Вось што прыслоўе паведамляе пра сябе:

Абазначаю месца, спосаб,

                                                Прычыну, меру, час.

                                                Сёння ў госці завітала.

                                                Даўно збіралася да Вас.

                                                                  Аляксей Якімовіч.

Успамінаем!

Прыслоўе – самастойная часціна мовы. Яно адказвае на пытанні д з е? к у д ы? а д к у л ь? д а к у л ь? (месца);  к а л і?  я к  д о ў г а?  з  я к о г а  ч а с у?  д а   я к о г а  ч а с у? (часу);  ч а м у? з  я к о й  п р ы ч ы н ы? (прычыны);  з  я к о й  м э т а й?  д л я  ч а г о? (мэты);  я к?  я к і м  ч ы н а м? к о л ь к і?  н а к о л ь к і?  у  я к о й  с т у п е н і? (меры і ступені).

Напрыклад: упоперак (дарогі).

 

Словы, прапанаваныя для гульні.

1. Вакол, наваколле, навакольны.

2. Вышыня, увысь, высокі.

3. Далёкі, далечыня, здалёк.

4. Верх, даверху, верхні.

 

5. Лета, залетась, леташні.

6. Надоўга, доўгі, даўжыня.

7. Ранак, ранішні, зранку.

8. Гарачы, згарача, гарачыня.

9. Спрасонку, сон, сонны.

 

10. Злосны, зло, назло.

11. Напаказ, паказуха, паказальны.

 

12. Гук, гучна, гучны.

13. Урачысты, урачыстасць, урачыста.

 

14. Вечарам, вячэрні, вечар.

15. Лішні, лішак, залішне.

16. Меншасць, менш, меншы.

 

Устаўце ў сказы патрэбныя прыслоўі з прапанаваных для гульні.

1. Паветраныя шарыкі ўзняліся … і імкліва паляцелі разам з ветрам (Аляксей Якімовіч). 2. … Сымон не зразумеў, што адбываецца ў хаце (Аляксей Якімовіч). 3. Іншыя людзі не кантралююць сябе, робяць сабе … (Аляксей Якімовіч). 4. … спектакля ўрачыста прагучалі словы галоўнага героя гэтай пастаноўкі (Аляксей Якімовіч). 5. “… ты сёння нагаварыў”, -- сказаў мне мой сябар Кастусь.

 

Якія прыслоўі тут рыфмуюцца?

 

                                                            1. Назоўнік урок

                                                            Рыфмуецца з прыслоўем з.. .

                                                            2. Назоўнік пераправа

                                                            Рыфмуецца з прыслоўем с.. .

                                                            3. Дзеяслоў аддам

                                                            Рыфмуецца з прыслоўем с-т.. .

                                                            4. Назоўнік авадзень

                                                            Рыфмуецца з прыслоўем ш.. .

                                                           5. Назоўнікі дата, тата

                                                           Рыфмуюцца з прыслоўем б.. .

                                                            6. Дзеяслоў натачы

                                                            Рыфмуецца з прыслоўем у.. .

                                                            7. Прыслоўе даволі

                                                            Рыфмуецца з прыслоўем н.. .

Адказы (выкарыстоўвайце толькі для кантролю) : 1, 2, 3, 2; 2, 1, 3, 2, 1; 3, 1; 2, 3; 1, 3, 2.

Адказы да сказаў (выкарыстоўвайце толькі для кантролю; напісаны наадварот): ьсывў, укносарпс, олзан, ыцнакырпан, еншілаз.

Адказы да вершаванага тэксту (выкарыстоўвайце толькі для кантролю; напісаны наадварот): коранз, аварпс, мат-мяс, ьнездотш, атагаб, ычану, ілокін.

                                                       Распрацаваў Аляксей Якімовіч