Старшыні Слонімскага райвыканкама
Хомічу Генадзю Баляслававічу
члена Саюза пісьменнікаў Беларусі з 1990 года,
Лаўрэата прэміі Гродзенскага аблвыканкама
“За дасягненні ў сферы культуры і мастацтва”,
Лаўрэата Рэспубліканскіх літаратурных прэмій
Якімовіча Аляксея Мікалаевіча,
які жыве ў горадзе Слоніме, вул Скарыны, д. 23,
кв. 1, тэлефон 2-45-04
заява.
У Слонімскім раёне каля вёскі
Талькаўшчына ў лясным масіве знаходзіцца брацкая магіла, у якой пахаваны 69
мірных грамадзян і воінаў. Тут, як казаў мой бацька, ляжаць і мае дзядуля і
бабуля Якімовіч Аляксандар Максімавіч і Якімовіч Парася Лявонцеўна, расстраляныя
фашыстамі ў 1941 годзе. Дзед быў дэпутатам мясцовага Савета і лічыўся
актывістам Савецкай улады.
Раней да брацкай магілы вяла
прамая дарога ад шашы Слонім --
Дзятлава. Але цяпер яна зарасла, ледзь прыкметная. Да брацкай магілы (а гэта
вельмі няпроста, так як няма ніякіх указальнікаў) трэба дабірацца па іншай дарозе,
якая вядзе ўздоўж шашы на працягу 300 – 400 метраў. З цягам часу і яна зарасце,
перакрыюць яе вываратні.
Вакол брацкай магілы (там я быў
24. 04. 2025 года) стаіць новая, яшчэ не пафарбаваная агароджа, узвышаецца
абеліск.
Што трэба яшчэ зрабіць, каб
людзі без перашкод маглі дабрацца да брацкай магілы і ўшанаваць памяць тых, хто
загінуў?
1. Паставіць указальнік, які
падкажа, як можна знайсці ў лесе гэту брацкую магілу.
2. Ад шашы Слонім – Дзятлава
праз лес (а гэта ўсяго некалькі дзясяткаў метраў) пракласці асфальтаваную
дарогу, якая вядзе прама.
3. На надмагільным абеліску
ўстанавіць таблічку з вядомымі імёнамі тых, хто там пахаваны.
4. Пафарбаваць, калі гэта яшчэ
не зроблена, агароджу вакол брацкай магілы.
4. 05. 2025 года.
Аляксей Якімовіч.
