Сінонімы са словам дагэтуль
Помніце! Сінонімамі з’яўляюцца словы,
аднолькавыя або блізкія па значэнні.
•
Звярніце ўвагу на тое, як пішацца слова: дагэтуль.
•
Да якой часціны мовы адносіцца слова дагэтуль?
Д л я д а в е д к і: адказвае на пытанні д а к у л
ь? д а я к о г а ч а с у?
•
Сінонімы да слова дагэтуль
(адно слова тут “лішняе”).
Дасюль, да гэтага,
трошкі, пагэтуль, да гэтага часу, па гэты час, па гэты дзень, па сённяшні
дзень.
•
Якія з гэтых слоў, як вы лічыце, а) аднолькавыя па
значэнні; б) блізкія па значэнні?
Эксперт Змітрок.
-- Сінонімы дагэтуль, дасюль, пагэтуль, як мне
здаецца, аднолькавыя па значэнні. Усе яны паказваюць на пэўную адзнаку ў
адлегласці, на целе, якую можна вымераць у міліметрах, сантыметрах, метрах ці
кіламетрах.
Эксперт Насця.
-- Сінонімы да гэтага, да гэтага часу, па гэты час, так
лічу, складаюць яшчэ адну групу аднолькавых па значэнні слоў. Усе яны
паказваюць на тое, што дзеянне адбываецца ў нейкі канкрэтны прамежак часу,
напрыклад: у дзесяць ці ў дванаццаць гадзін, у верасні ці ў жніўні, вясною ці
зімою.
Эксперт Алеся.
-- Сінонімы па гэты дзень, па сённяшні дзень складаюць
трэцюю групу аднолькавых па значэнні слоў. Яны паказваюць на тое, што дзеянне
адбываецца ў нейкі пэўны, канкрэтны дзень.
•
А як лічыце Вы, нашы шаноўныя чытачы?
•
Прачытайце сказы з прыведзенымі вышэй сінонімамі. У якіх
сказах яны адказваюць на пытанні а) д а к у л ь? б) д а я к о г а
ч а с у?
1. Да гэтага Сымон лічыў сябе шчаслівым. 2. “Будзем
бегчы дасюль”, -- сказаў аднакласніку Сымон
і забіў у зямлю невялікі калочак. 3. Сымон зірнуў на раку і,
дакрануўшыся да грудзей, сказаў аднакласніку: “Дагэтуль тут зойме вада”.
•
Ці з’яўляюцца сінонімамі словы дагэтуль і датуль? Як вы
лічыце?
Выкарыстоўвайце толькі для кантролю, каб праверыць сябе
Д л я
д а в е д к і (словы-адказы напісаны наадварот).
Гэта еўолсырп;
“лішняе” слова ікшорт (не з’яўляецца
сінонімам); а – ігурд і іцэрт сказы, б – ышреп сказ; аццюялўя’з.
Распрацаваў Аляксей Якімовіч