Экспертыза “Баяцца старасці”
Пятрусь.
-- Многія людзі старэйшага пакалення
спакойна адносяцца да сваёй старасці. Але нямала і такіх, якія баяцца яе, са страхам
думаюць пра будучыню.
Ці нармальна гэта? Як вы лічыце?
• Як Вы, нашы эксперты, ацэньваеце гэту сітуацыю?
• Што зрабілі б у дадзеным выпадку, што параілі б?
Эксперт Мікола.
-- Што я параіў бы тым, каго непакоіць старасць?
Меньш думайце пра гэта. Адносьцеся да старасці як да нармальнай фізіялагічнай
з’явы. Будуйце сваё жыццё так, каб ваша душа не стамлялася, а адпачывала.
Жывіце ў радасці і дарыце яе тым, хто побач.
Эксперт Ніна.
-- Падтрымліваю Міколу. Дарагія нашы
бабулі і дзядулі, часцей усміхайцеся, дарыце свае добрыя, лагодныя ўсмешкі
блізкім і знаёмым. А мы, вашы ўнукі і ўнучкі, будзем штодзень ствараць для вас
добры настрой. Жывіце з надзеяю. Мы ваша надзея.
Эксперт Таня.
-- Не сумуйце, цікаўцеся тым, што
адбываецца вакол вас. Наведвайце бібліятэку, тэатр, музей, едзьце на экскурсію,
жывіце не толькі для сябе, але і для сваіх дзяцей, унукаў. Старайцеся зрабіць
так, каб яны раслі выхаванымі, уважлівымі, чулымі людзьмі. Вы гэта зможаце. У
вас вялікі жыццёвы вопыт. Адкідаючы негатыўнае, перадавайце яго родным.
Эксперт Міхась.
-- Пастарайцеся браць з мінулага
пазітыўныя моманты. Яны, несумненна, былі ў вашым жыцці. А яшчэ з аптымізмам
глядзіце ў будучае. Не вешайце нос. Радуйцеся кожнаму пражытаму дню. І
праменьчыку сонца, і белай сняжынцы, і імкліваму ветрыку. Гэта ваша надзея,
ваша шчасце. Дзякуйце Пану Богу, што падарыў вам новы дзень.
Эксперт Алеся.
Сябрйце з прыродай, не лянуйцеся. У меру
працуйце ў хаце, на агародзе. Будзьце фізічна актыўнымі.
Эксперт Змітрок. Беражыце свой сон і
сваё здароўе.
• А як да гэтай сітуацыі адносіцеся Вы, нашы чытачы?
Прыехаў я на дачу,
Там папрацаваў.
Увечары здалося:
Старасць абагнаў.
Аляксей Якімовіч
