Б.. – лекавая расліна
беларускага краю
• Уставіўшы прапушчаныя літары,
вы прачытаеце назву лекавай расліны.
Падказка.
Прэпараты з яе лісцяў прымяняюць як мачагонны сродак.
Вось
што яна паведамляе пра сябе:
Спеюць на палянцы
Ягадкі чырвоныя.
Ад сонца затуляюць
Лісцікі зялёныя.
Аляксей Якімовіч.
Падказка.
Гэта
слова рыфмуецца з назоўнікам сініцы.
Каб
даць правільны адказ, вам дапамогуць наступныя заданні.
1. Прачытайце словы. Вазьміце па адным складзе з кожнага
і ўтварыце назву дадзенай расліны.
Цырата, прасніца, бруіцца, восень.
З а ў в а г а: адно слова тут лішняе, яго не трэба
выкарыстоўваць.
Цырата – гэта
а) спецыяльная плёнка, якую засцілаюць на кухонны стол;
б) жаночае галаўное ўбранне.
Выберыце патрэбнае.
Прасніца – гэта
а) вялікая лаўка для сядзення;
б) драўлянае прыстасаванне, з дапамогай якога прадуць
ніткі.
Бруіцца – значыць
а) там, дзе няроўнае дно, пераліваючыся, цячэ ручай;
б) раса свеціцца на сонцы.
2. Складзіце назву дадзенай расліны з першых літар
наступных слоў.
Раздолле,
імкліва, сцяг, броснець, увага,
вусы, небарака, цапнуць.
З а ў в а г а: са слова “вусы” вазьміце апошнюю літару.
• Падбярыце
блізкія па значэнні словы да дзеясловаў броснець, цапнуць.
• Падбярыце
блізкія па значэнні словы да назоўніка небарака.
3. Закончыце прыказку, звязаную з тэмай прыроды.
Вясною дажджы не … .
Скорагаворка
На
бугарку Барыс збіраў чырвоныя брусніцы (Аляксей
Якімовіч).
• Паспрабуйце паўтарыць хутка і
выразна.
Адказы (выкарыстоўвайце толькі для кантролю; словы напісаны наадварот): 1 а.
1б. 1а.
2. Ьценселп,
ьціпахс, кадяб. 3. Яіншіл.
Лекавая расліна: ыцінсурб.
