Адкіньце непатрэбнае.
Вернасць і…
Ёсць розныя рысы чалавечага характару. Людзі па-рознаму
адносяцца да іх, некаторыя нават не заўважаюць, лічаць нормай свайго жыцця. А
ці так гэта? Давайце падумаем, паразважаем, выконваючы некаторыя заданні.
• Прачытайце,
якія могуць быць рысы нашага характару.
1. Вернасць.
2. Працавітасць.
3. Няздатнасць.
4. Гаспадарлівасць.
5. Кемлівасць.
6. Умельства.
7. Самахвальства.
• Прачытайце
народныя прыказкі і прымаўкі. Якой рысе характару, з прыведзеных вышэй,
адпавядае кожная з іх? Як вы лічыце?
А). Гаспадыня! Сем град – адзін бурак.
Б). Адным стрэлам сем качак забіў.
В). Гутарка гутаркай, ды за працу час!
Г). Ведае, на чым свет стаіць.
Д). Зямля – талерка: што пакладзеш, тое і возьмеш.
Е). Дзе сілаю не зробіш, то спосабам.
Ё). Іх і вадою не разальеш [1, стар. 89, 98, 100, 101,
103, 292, 325].
• Адкіньце
тыя рысы характару, тыя заганы
(кепскае), якія, на вашу думку, перашкаджаюць вам жыць. Пазбаўцеся ад іх.
Апусціўся на дно --
Не ўпадай у адчай.
Як муравей, карабкайся,
Наверх выпаўзай.
Аляксей Якімовіч.
Скорагаворка
Дзе сілаю не зробіш, то спосабам (Аляксей
Якімовіч).
• Паспрабуйце паўтарыць хутка і
выразна.
• Падбярыце
блізкае па значэнні слова да назоўніка гутарка,
дзеяслова карабкайся.
Адказы (выкарыстоўвайце толькі для кантролю; словы напісаны наадварот) 3А,
7Б, 2В, 5Г, 6Е, 4Д, 1Ё.
Акроваг; Ьзел.
Выкарыстаная
літаратура
1. Беларускія прыказкі, прымаўкі,
фразеалагізмы / склаў Ф. Янкоўскі. – 2-е
выд., дап. -- Мінск : Выд-ва АН БССР, 1962. – 556 с.
